لاہور: بیجنگ انڈر پاس پر ڈبل کیبن گاڑی کے گارڈز کی فائرنگ اور تشدد، ملزمان فرار

لاہور (13 مارچ): لاہور کے علاقے مغل پورہ میں پیش آنے والے ایک سنگین واقعے میں سیکیورٹی گارڈز نے سرعام ایک شہری پر تشدد کیا اور فائرنگ کر دی۔ یہ واقعہ بیجنگ انڈر پاس کے قریب پیش آیا، جہاں ویگو ڈالے میں سوار گارڈز نے شہری کو روکا، فائرنگ کی اور شدید تشدد کا نشانہ بنایا۔

ذرائع کے مطابق، ایک کار سوار شہری پر مسلح سیکیورٹی گارڈز نے پہلے سیدھی گولیاں چلائیں اور پھر اسے زدوکوب کیا۔ متاثرہ شہری نے فائرنگ کرنے والے گارڈ کو پکڑنے کی کوشش کی، ترجمان ڈولفن فورس کے مطابق جیسے ہی فائرنگ کی آوازیں سنائی دیں، ڈولفن ٹیم نمبر 17 فوری طور پر موقع پر پہنچی۔ تاہم ملزمان رش کا فائدہ اٹھا کر گاڑی چھوڑ کر فرار ہو گئے۔

پولیس نے موقع پر پہنچ کر ملزمان کی گاڑی کو قبضے میں لے لیا، جس سے اہم شواہد برآمد ہوئے جن میں تین رائفلیں، گولیوں سے بھرے میگزین، گاڑی پر پولیس فلیشر (جسے غیرقانونی طور پر لگایا گیا تھا) اور اونیکس سیکیورٹی کمپنی کی جیکٹس شامل ہیں

متاثرہ شہری نے بتایا کہ مسلح سیکیورٹی گارڈز نے میری گاڑی روکی اور ایک گارڈ نے سیدھا فائر کر دیا۔ جب میں گاڑی سے اترا، تو دوسرا فائرنگ کر رہا تھا، لیکن درمیان میں لوگ آ گئے، جس کی وجہ سے میں محفوظ رہا۔ اگر موقع پر لوگ نہ ہوتے تو وہ مجھے دوسرا فائر مار دیتے۔ میں نے گارڈ کو پکڑنے کی کوشش کی، لیکن وہ ڈالہ چھوڑ کر فرار ہو گئے۔ شہری کے مطابق، ملزمان کی تعداد 15 سے 20 تھی، جو مختلف گاڑیوں میں موجود تھے۔ موقع پر موجود لوگوں نے ویڈیوز بھی بنائیں، جن میں واقعے کے مناظر محفوظ ہیں۔

ڈی آئی جی آپریشنز فیصل کامران نے واقعے کا سخت نوٹس لیتے ہوئے انسداد دہشت گردی ایکٹ کے تحت مقدمہ درج کرنے کا حکم دیا اور ملزمان کی گرفتاری کے لیے خصوصی ٹیم تشکیل دی۔ ڈی آئی جی آپریشنز فیصل کامران نے اونیکس سیکیورٹی کمپنی کے خلاف بھی قانونی کارروائی کا آغاز کیا، اور ملزمان کی تلاش کے لیے سیف سٹی کیمروں کی مدد لینے کا حکم دیا۔

 

web

Recent Posts

اسلام آباد: وزیراعظم شہباز شریف نے پیٹرولیم مصنوعات پر عوام کو ریلیف فراہم نہ کرنے والے پیٹرول پمپس کے خلاف کارروائی کی ہدایت کردی۔

  وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…

2 ہفتے ago

اسلام آباد: سابق سینیٹر مشتاق احمد کی اہلیہ حمیرا طیبہ نے فیملی کورٹ سے خلع حاصل کرلی، عدالت نے نکاح ختم کرنے کی ڈگری جاری کردی۔

  ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…

2 ہفتے ago

اسلام آباد: حکومت نے انسداد دہشت گردی کے لیے انٹیلی جنس بنیادوں پر آپریشنز کا دائرہ کار بڑھانے کا فیصلہ کرلیا۔

  وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…

2 ہفتے ago

  آئی جی سندھ جاوید عالم اوڈھو کے مطابق صوبے میں ڈکیتی مزاحمت کے دوران قتل کے واقعات میں 17…

2 ہفتے ago