ایران کیساتھ جنگ سے تنگ آکر امریکی فوجی خودکشی کی کوشش کرنے لگے

طویل تعیناتی، امریکی طیارہ بردار بحری جہاز پر اہلکاروں کے سمندر میں کودنے کی کوششوں کا دعویٰ

امریکی میڈیا کے مطابق طویل اور مسلسل تعیناتی کے باعث امریکی طیارہ بردار بحری جہاز یو ایس ایس ابراہم لنکن پر تعینات متعدد اہلکاروں نے سمندر میں کودنے کی کوشش کی۔

امریکی نیوز ویب سائٹ کی رپورٹ کے مطابق ایک اہلکار کی اہلیہ نے دعویٰ کیا کہ مسلسل اور طویل ڈیوٹی سے شدید دباؤ کے باعث ان کے شوہر نے جہاز سے چھلانگ لگانے کی کوشش کی، جبکہ جہاز کے عملے نے کئی دیگر اہلکاروں کو بھی ایسا کرنے سے روکا۔

رپورٹ میں امریکی بحری بیڑے پر خوراک اور بنیادی اشیائے ضروریہ کی قلت کا بھی دعویٰ کیا گیا ہے۔

دوسری جانب امریکی سینیٹرز نے ان واقعات کی تحقیقات کرانے کا مطالبہ کیا ہے۔ تاہم امریکی بحریہ نے جہاز پر تعینات اہلکاروں میں خودکشی کی کوششوں یا ذہنی صحت سے متعلق مسائل میں اضافے کی تردید کی ہے۔

میڈیا رپورٹس کے مطابق تقریباً 5 ہزار امریکی سیلرز اور میرینز 250 روز سے زائد عرصے سے طیارہ بردار بحری جہاز پر تعینات ہیں۔