رجب بٹ نے سالگرہ کے دن ہتک عزت اور بیٹے کی کسٹڈی کا نوٹس بھیجا، سابق اہلیہ ایمان کا دعویٰ

رجب بٹ کی سابق اہلیہ ایمان فاطمہ کا قانونی نوٹسز سے متعلق بڑا دعویٰ

معروف یوٹیوبر رجب بٹ کی سابق اہلیہ ایمان فاطمہ نے دعویٰ کیا ہے کہ انہیں اپنی سالگرہ کے موقع پر سابق شوہر کی جانب سے ہتکِ عزت اور بیٹے کی حوالگی سے متعلق قانونی نوٹس موصول ہوئے ہیں۔

ایمان فاطمہ نے اپنے بھائی عون شیخ کے حالیہ وی لاگ میں گفتگو کرتے ہوئے طنزیہ انداز میں کہا کہ انہیں سابق شوہر کی جانب سے بھی ’’پیارے تحفے‘‘ ملے، جن میں ایک ہتکِ عزت کا نوٹس جبکہ دوسرا بیٹے کیوان کی کسٹڈی سے متعلق نوٹس شامل ہے۔

تاہم رجب بٹ کی جانب سے تاحال مبینہ قانونی نوٹسز کے حوالے سے کوئی تصدیق یا باضابطہ ردعمل سامنے نہیں آیا۔

واضح رہے کہ رجب بٹ اور ایمان فاطمہ کی شادی 2024 میں ہوئی تھی، جبکہ ستمبر 2025 میں ان کے ہاں بیٹے کیوان سلطان کی پیدائش ہوئی۔ بعدازاں دونوں کے درمیان اختلافات شدت اختیار کرگئے، جس کے نتیجے میں دونوں کی طلاق ہوگئی۔