صدر مملکت آصف علی زرداری نے کہا ہے کہ سندھ طاس معاہدے کو یکطرفہ طور پر معطل یا غیر مؤثر نہیں کیا جا سکتا، پانی کو ہتھیار یا سیاسی دباؤ کے آلے کے طور پر استعمال نہیں کیا جانا چاہیے۔
ایوانِ صدر میں منعقدہ تقریب میں صدر آصف علی زرداری نے اقوام متحدہ کے سیکریٹری جنرل انتونیو گوتریس کو پاکستان کے اعلیٰ قومی اعزاز ’نشانِ امتیاز‘ سے نوازا۔ تقریب میں وزیراعظم شہباز شریف، نائب وزیراعظم و وزیر خارجہ اسحاق ڈار اور اسپیکر قومی اسمبلی سمیت دیگر اہم شخصیات نے شرکت کی۔
انتونیو گوتریس نے پاکستان کا اعلیٰ قومی اعزاز ملنے پر صدر مملکت اور پاکستانی قوم کا شکریہ ادا کیا۔ اس موقع پر صدر آصف علی زرداری نے اقوام متحدہ کے سیکریٹری جنرل کی عالمی امن، مکالمے اور تنازعات کے پرامن حل کے لیے کوششوں کو سراہا۔
تقریب سے خطاب کرتے ہوئے صدر مملکت نے کہا کہ پائیدار امن کے لیے تمام دیرینہ تنازعات، بالخصوص جموں و کشمیر کے تنازعے کا حل ضروری ہے۔ علاقائی تنازعات کے حل کے لیے مذاکرات کا کوئی متبادل نہیں۔
آصف علی زرداری نے کہا کہ پاکستان فلسطینی عوام اور ان کے حقِ خودارادیت کی بھرپور حمایت جاری رکھے گا۔ انہوں نے کہا کہ پاکستان کو افغان سرزمین سے سرگرم دہشتگرد گروہوں کی جانب سے مسلسل دہشتگردی کا سامنا ہے۔
صدر مملکت کا کہنا تھا کہ افغان سرزمین پاکستان یا کسی بھی دوسرے ملک کے خلاف استعمال نہیں ہونی چاہیے۔ انہوں نے زور دیا کہ خطے میں امن و استحکام کے لیے بات چیت اور سفارتی ذرائع سے تنازعات کا حل تلاش کرنا ناگزیر ہے۔
وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…
ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…
ایک بیان میں وزیر پیٹرولیم نے کہا کہ عالمی منڈی کے نرخوں کے مطابق ایل پی جی کی قیمت…
وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…
ذرائع کے مطابق سابق وزیراعظم عمران خان نے پیر کے روز اڈیالہ جیل میں اپنے وکیل سے ملاقات کے…