کراچی میں 22کروڑ روپےکی واردات کرنیوالے 2 ملزمان لاہور سےگرفتار

کراچی میں 22 کروڑ روپے کی واردات، 2 ملزمان گرفتار

کراچی: کراچی کے علاقے صدر میں 22 کروڑ روپے کی چوری کی واردات میں ملوث 2 ملزمان کو گرفتار کرلیا گیا۔

ترجمان ڈی آئی جی آپریشنز کے مطابق ملزمان مہتاب اور اس کے رشتہ دار عبدالرحمان کو جھنگ سے گرفتار کیا گیا۔ گرفتار ملزم مہتاب کے خلاف چوری اور نقب زنی کے 18 مقدمات درج ہیں۔

ترجمان کے مطابق ملزم مہتاب رواں سال اپریل میں کراچی کے علاقے صدر میں ہونے والی 22 کروڑ روپے کی چوری میں ملوث تھا۔ دونوں ملزمان جھنگ، فیصل آباد اور رحیم یار خان میں بھی چوری کی مختلف وارداتوں میں ملوث رہے ہیں۔

کارروائی کے دوران ملزم عبدالرحمان سے 9 ایم ایم پستول اور گولیاں بھی برآمد کی گئیں، جبکہ ملزمان کے قبضے سے اسلام آباد کے تھانہ رمنا میں درج چوری کے مقدمے کا مسروقہ سامان بھی برآمد کرلیا گیا۔