نادیہ افگن کی خلیل الرحمان قمر کے ساتھ پہلی ملاقات کی کہانی

پاکستانی اداکارہ نادیہ افگن نے اپنی پہلی ملاقات میں ڈرامہ نگار خلیل الرحمان قمر کے ساتھ ہونے والے ایک ناخوشگوار تجربے کا ذکر کیا۔ نادیہ کا کہنا تھا کہ خلیل الرحمان کی کچھ حرکتوں کے باعث وہ کبھی بھی ان کے ساتھ کام نہیں کریں گی۔

نادیہ افگن نے حالیہ پوڈ کاسٹ میں اس تجربے کے بارے میں تفصیل سے بات کی۔ انہوں نے بتایا کہ تقریباً 25 سال پہلے، جب وہ انڈسٹری میں نیا قدم رکھ رہی تھیں، وہ ایک دن ثمینہ آپا کے ساتھ اسٹوڈیو گئیں۔ ثمینہ آپا کسی کام سے گئی ہوئی تھیں اور نادیہ اکیلی بیٹھ گئی۔ اسی دوران نادیہ نے ایک شخص کو دیکھا جو صوفے پر بیٹھا تھا، پاؤں اُٹھائے اور سگریٹ پی رہا تھا۔ نادیہ نے اس شخص کو سلام کیا، جس پر اس نے انہیں سوال کیا: "تم کون ہو؟ کام کرنے آئی ہو؟”

نادیہ نے اس شخص کے بارے میں ثمینہ آپا سے پوچھا، تو آپا نے بتایا کہ وہ رائٹر ہیں۔ نادیہ نے فوراً سوچا کہ جس شخص کو سلیقہ اور تہذیب کا شعور نہ ہو، وہ کیسے اچھا رائٹر ہو سکتا ہے۔ اس لیے نادیہ نے فیصلہ کیا کہ وہ کبھی بھی خلیل الرحمان قمر کے ساتھ کام نہیں کریں گی۔

نادیہ نے اس بات کا بھی ذکر کیا کہ خلیل الرحمان قمر کو وہ ایک معمولی رائٹر سمجھتی ہیں اور ان کے لکھنے کا انداز اتنا لاجواب نہیں ہے، جتنا کہ بعض لوگ سمجھتے ہیں۔