رجب بٹ شادی کے بعد گرفتار غیر قانونی شیر کا بچہ رکھنے کا الزام

ٹک ٹاکر رجب بٹ، جو اپنی شادی پر بے حد خرچ اور ڈالر لٹانے کی وجہ سے خبروں میں تھے، کو پولیس نے گرفتار کرلیا۔
:
پنجاب وائلڈ لائف ڈیپارٹمنٹ نے پولیس کے تعاون سے پارک ویو میں واقع ان کے گھر پر چھاپہ مارا اور رجب بٹ کو حراست میں لے لیا۔ رجب بٹ پر غیر قانونی طور پر لائسنس کے بغیر نومولود شیر کا بچہ رکھنے کا الزام ہے، جو انہیں شادی پر بطور تحفہ دیا گیا تھا۔

چوہنگ پولیس نے سب انسپکٹر ارسلان اعجاز کی مدعیت میں رجب بٹ کے خلاف پنجاب آرمز آرڈیننس 1965 کے تحت مقدمہ درج کر لیا۔

رجب بٹ کے گھر میں ممنوعہ جانور موجود تھا، جو کسی بھی وقت قانون و انتظام کا مسئلہ پیدا کرسکتا تھا۔ دوران تلاشی ان کے گھر سے ایک سلور رنگ کے ڈبے میں رکھی 223 بور کی رائفل اور گولیاں بھی برآمد ہوئیں۔

یاد رہے کہ رجب بٹ حالیہ دنوں میں اپنی شادی کی پرتعیش تقریبات، مہمانوں پر ڈالرز لٹانے اور غیر معمولی اخراجات کی وجہ سے خبروں میں رہے ہیں۔