معروف اداکارہ سنی لیون امداد لیتے پکڑی گئیں؟

معروف اداکارہ سنی لیون کے حالات خراب؟ سرکاری سکیم سے امداد لینے لگیں؟

بھارت کی ریاست چھتیس گڑھ سے ایک حیرت انگیز واقعہ سامنے آیا ہے، جہاں سرکاری امدادی اسکیم کے تحت سنی لیون کے نام پر ماہانہ 1000 روپے وصول کیے جانے کا انکشاف ہوا ہے۔
یہ امداد مشہور اداکارہ کے نام پر کسی دھوکے باز نے حاصل کی، اور مزید حیران کن بات یہ ہے کہ اسکیم کے سرکاری کھاتے میں اداکارہ کے شوہر کا نام جونی سنس درج پایا گیا ہے۔
ذرائع کے مطابق، چھتیس گڑھ میں ایک مبینہ جعل ساز نے سنی لیون کے نام پر آن لائن اکاؤنٹ بنا کر حکومت کی ’’مہاتری وندن یوجنا‘‘ کے تحت امدادی رقم وصول کی۔ یہ اسکیم شادی شدہ خواتین کو ماہانہ مدد فراہم کرتی ہے۔
ریکارڈ میں درخواست دہندہ کا نام سنی لیون اور اس کے شوہر کا نام جونی سنس دکھایا گیا۔ یہ درخواست بستر ضلع کے تلور سیکٹر میں آنگن واڑی کے ذریعے بھیجی گئی اور سپروائزر کے تصدیقی دستخط بھی اس فائل کا حصہ ہیں۔
رپورٹ کے مطابق، مذکورہ دھوکے باز نے مارچ سے دسمبر تک مسلسل دس مہینے یہ رقم وصول کی۔
بستر کے کلکٹر حارث ایس نے کہا کہ یہ معاملہ زیرِ تفتیش ہے۔ ادھر ایک سینئر پولیس اہلکار نے بیان دیا کہ اگر انتظامیہ سے شکایت موصول ہوئی، تو متعلقہ قانونی کارروائی کی جائے گی۔