پاکستانی شوبز کے خوبصورت جوڑے، 2024 کی مشہور ترین شادیاں
سال 2024 پاکستانی شوبز انڈسٹری میں شادیوں کے حوالے سے یادگار رہا۔ کئی معروف شخصیات نے اپنی زندگی کے نئے سفر کا آغاز کیا، جن کی شاندار تقریبات نے نہ صرف مداحوں کو متاثر کیا بلکہ سوشل میڈیا پر بھی خوب چرچے ہوئے۔
آئیے ان یادگار شادیاں اور ان کے حسین لمحات پر نظر ڈالیں:
ایمن سلیم اور کامران ملک
2023 کے آخر میں ایمن سلیم نے کامران ملک سے نکاح کیا، لیکن ان کی ریسیپشن یکم جنوری 2024 کو ہوئی۔ ان کے دلکش لباس اور شاندار انداز نے مداحوں کو خوب متاثر کیا اور تقریب کو خاص بنا دیا۔
ثنا جاوید اور شعیب ملک
جنوری 2024 میں اداکارہ ثنا جاوید نے کرکٹر شعیب ملک سے شادی کی خبر دی۔ ان کی یہ خفیہ شادی مداحوں کے لیے حیرت کا باعث بنی اور جلد ہی سوشل میڈیا پر موضوعِ بحث بن گئی۔
عرشہ رضا اور عبداللہ فرخ
فروری 2024 میں عرشہ رضا نے تین سال پہلے ہونے والے نکاح کے بعد عبداللہ فرخ سے باقاعدہ شادی کی۔ ان کی شادی کی تصاویر نے مداحوں کے دل جیت لیے اور کئی دن تک سوشل میڈیا پر زیر بحث رہیں۔
مدیحہ رضوی اور جنید علی پرویز
اپریل 2024 میں اداکارہ مدیحہ رضوی نے جنید علی پرویز سے اپنی دوسری شادی کی۔ پہلی شادی سے ان کے دو بچے ہیں۔ انہوں نے اپنی خوشی کا اظہار ایک خوبصورت نکاح تصویر کے ذریعے کیا، جسے مداحوں نے خوب پسند کیا۔
فیروز خان اور ڈاکٹر زینب
جون 2024 میں مشہور اداکار فیروز خان نے ڈاکٹر زینب سے اپنی دوسری شادی کا اعلان کیا۔ ان کی یہ نجی تقریب صرف قریبی خاندان کے افراد کے درمیان ہوئی، اور فیروز نے اپنی اہلیہ کے ساتھ ایک دلکش تصویر شیئر کی۔
انوشے اشرف اور شہاب رضا مرزا
جون 2024 میں انوشے اشرف نے اپنے قریبی دوست شہاب رضا مرزا سے نکاح کیا۔ یہ تقریب ویڈیو لنک کے ذریعے منعقد ہوئی، جس سے دنیا بھر کے عزیز اس خوشی میں شریک ہو سکے۔
جویریہ عباسی اور عدیل حیدر
اداکارہ جویریہ عباسی نے رمضان 2024 میں عدیل حیدر سے نکاح کیا اور ستمبر میں اس کا باقاعدہ اعلان کیا۔ یہ ان کی دوسری شادی تھی؛ پہلی شادی اداکار شمعون عباسی سے ہوئی تھی۔
عمیر جسوال
مشہور گلوکار عمیر جسوال نے اکتوبر 2024 میں اپنی دوسری شادی کا اعلان کیا۔ ان کی نکاح کی تصویر اور اس کے ساتھ لکھی گئی قرآنی آیت نے ان کے مداحوں کے دلوں کو چھو لیا۔
رجب بٹ اور ایمان
مشہور یوٹیوبر رجب بٹ نے دسمبر 2024 میں ایمان سے شادی کی۔ ان کی رنگا رنگ تقریبات، جن کا آغاز لاہور میں دھولکی سے ہوا، سوشل میڈیا پر خاصی مقبول رہیں۔
شہریار منور اور ماہین صدیقی
اداکار شہریار منور نے ماہین صدیقی سے ایک نجی تقریب میں شادی کی۔ ان کی تصاویر اور ویڈیوز نے مداحوں کو ان خوشگوار لمحات کا حصہ بنایا، جبکہ ان کے لباس نے تقریب کو اور بھی یادگار بنا دیا۔
