Categories: انٹرٹینمنٹ

بیٹی کی پیدائش پر گھر سے نکال دیا گیاتھا بالی ووڈ اداکارہ کا سنسنی خیز انکشاف

نینا گپتا اور معروف کرکٹر سر ویوین رچرڈز کے درمیان قریبی تعلقات تھے

بیٹی کی پیدائش پر گھر سے نکال دیا گیاتھا بالی ووڈ اداکارہ کا سنسنی خیز انکشاف

بالی ووڈ کی تجربہ کار اداکارہ نینا گپتا نے ایک انٹرویو میں یہ حیرت انگیز انکشاف کیا ہے کہ جب ان کی بیٹی مسابا پیدا ہوئی تو ان کی آنٹی نے انہیں بے گھر کر دیا تھا۔

نینا گپتا نے اپنی بیٹی مسابا گپتا کی ولادت کے بعد درپیش چیلنجز اور مشکلات کا ذکر کرتے ہوئے بتایا کہ اس وقت وہ اپنی آنٹی کے ساتھ رہائش پذیر تھیں۔ واقعہ یہ ہوا کہ بیٹی کی پیدائش کے بعد، ان کی آنٹی نے آدھی رات کو انہیں اور ان کی نومولود بچی کو گھر سے نکال دیا، اور اس وقت ان کے پاس کوئی جائے پناہ بھی نہیں تھی۔

اداکارہ نے مزید کہا کہ وہ دہلی سے 1980 کی دہائی کے ابتدائی حصے میں ممبئی منتقل ہوئیں اور ہمیشہ اپنی رہائش کے لیے فلیٹ خریدنے کو ترجیح دیتی تھیں۔ انہوں نے ایک دفعہ اپنا اپارٹمنٹ بیچ کر ایک نئے بلڈر کے پروجیکٹ میں تین بیڈروم کا فلیٹ بک کرایا تھا، جس کی وجہ سے ان کی باقی رقم ختم ہو گئی۔ جب ان کی آنٹی نے انہیں نکال دیا تو وہ بے گھر ہو گئیں، اور ان کے لیے حالات بہت مشکل ہو گئے۔

نینا نے بتایا کہ انہوں نے اسی بلڈر سے رابطہ کیا جس کے پروجیکٹ میں انہوں نے سرمایہ کاری کی تھی اور اپنی صورتحال کو بیان کرتے ہوئے رقم کی واپسی کی درخواست کی۔ بلڈر نے فوراً ان کی تمام رقم واپس کر دی، جس کی بدولت نینا نے آرام نگر میں ایک نیا گھر خریدا اور اپنی بچی کے ساتھ وہاں منتقل ہوگئیں۔

یہ بھی یاد رہے کہ نینا گپتا اور معروف کرکٹر سر ویوین رچرڈز کے درمیان قریبی تعلقات تھے، جن کے نتیجے میں ان کی بیٹی مسابا گپتا پیدا ہوئی، جو آج بھارت کی ایک مشہور فیشن ڈیزائنر ہیں۔

web

Recent Posts

اسلام آباد: وزیراعظم شہباز شریف نے پیٹرولیم مصنوعات پر عوام کو ریلیف فراہم نہ کرنے والے پیٹرول پمپس کے خلاف کارروائی کی ہدایت کردی۔

  وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…

2 ہفتے ago

اسلام آباد: سابق سینیٹر مشتاق احمد کی اہلیہ حمیرا طیبہ نے فیملی کورٹ سے خلع حاصل کرلی، عدالت نے نکاح ختم کرنے کی ڈگری جاری کردی۔

  ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…

2 ہفتے ago

اسلام آباد: حکومت نے انسداد دہشت گردی کے لیے انٹیلی جنس بنیادوں پر آپریشنز کا دائرہ کار بڑھانے کا فیصلہ کرلیا۔

  وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…

2 ہفتے ago

  آئی جی سندھ جاوید عالم اوڈھو کے مطابق صوبے میں ڈکیتی مزاحمت کے دوران قتل کے واقعات میں 17…

2 ہفتے ago