پاکستانی گلوکار علی حیدر نے چاہت فتح علی خان کے ساتھ گانے سے انکار کر دیا
علی حیدر نے ٹی وی شو میں کہا کہ وہ چاہت فتح علی خان کے ساتھ مل کر گانا نہیں گائیں گے، خواہ اُنہیں اس کے لیے 20 کروڑ روپے کی پیشکش کیوں نہ کی جائے۔ اُن کا کہنا تھا، "میں چاہت کے ساتھ گانا گانے کو تیار نہیں۔”
علی حیدر نے لوگوں سے کہا کہ چاہت کو اُن کے حال پر چھوڑ دیں، کیونکہ یہ اُن کا اپنا وقت ہے اور کسی کو پتا نہیں اللہ نے اُن کی کون سی دعا قبول کر لی ہے۔ اُنہوں نے کہا کہ لوگوں کو چاہت کا مذاق اڑانے کی بجائے اُنہیں اپنی زندگی گزارنے دیں۔
اُن کا کہنا تھا کہ چاہت کو لوگ "ہنس مذاق والی شخصیت” سمجھتے ہیں، مگر اُن کی محنت اور کامیابیوں کو نظر انداز نہیں کرنا چاہیے۔ علی حیدر نے کہا کہ ہر انسان کو اپنی زندگی اپنے طریقے سے گزارنے کا حق ہے۔
دوسری طرف، یوٹیوب نے چاہت کا گانا ’بدو بدی‘ کاپی رائٹ کے ایشوز کی وجہ سے ہٹا دیا ہے۔ چاہت اپنے انوکھے انداز کی وجہ سے ان دنوں سوشل میڈیا پر کافی مشہور ہیں
