لزبن: پرتگال کے معروف فٹبالر کرسٹیانو رونالڈو نے اپنی شادی سے متعلق افواہوں اور اسے حقیقت سمجھ کر پرتگال کے شہر فنشال میں جمع ہونے والے مداحوں کے ردِعمل پر دلچسپ انداز میں جواب دے دیا۔
غیر ملکی میڈیا کے مطابق سوشل میڈیا اور مختلف رپورٹس میں دعویٰ کیا گیا تھا کہ رونالڈو اپنی دیرینہ ساتھی جارجینا روڈریگز کے ساتھ ہفتے کے روز پرتگال کے جزیرے میڈیرا کے شہر فنشال میں شادی کرنے والے ہیں۔
رونالڈو کے خاندان کی جانب سے شادی کی تردید کے باوجود سیکڑوں مداح اپنے پسندیدہ فٹبالر کی شادی دیکھنے کی امید میں فنشال کے تاریخی سی کیتھیڈرل کے باہر جمع ہوگئے۔ مداح کئی گھنٹوں تک موبائل فونز اور کیمروں کے ساتھ چرچ کے باہر موجود رہے۔
تاہم کچھ دیر بعد معلوم ہوا کہ وہاں شادی رونالڈو اور جارجینا کی نہیں بلکہ ایک اور جوڑے کی تھی۔ نکول نامی خاتون اپنے ہونے والے شوہر فابیوں سے شادی کے لیے کیتھیڈرل پہنچی تھیں۔
بڑی تعداد میں مداحوں اور صحافیوں کی موجودگی کے باعث دلہن کو چرچ میں داخل ہونے میں دشواری کا سامنا کرنا پڑا۔ کیتھیڈرل انتظامیہ نے سوشل میڈیا پر بتایا کہ سڑک پر صحافیوں اور سیاحوں کی بڑی تعداد کے باعث صورتحال الجھن کا شکار ہوگئی، جس کے بعد چرچ بند کرکے شادی کی تقریب منعقد کی گئی۔
شادی میں شریک ایک مہمان نے مقامی میڈیا سے گفتگو کرتے ہوئے مزاحیہ انداز میں کہا کہ وہ خود کو کسی مشہور شخصیت کی طرح محسوس کر رہے ہیں۔ مہمان نے حیرت کا اظہار کیا کہ لوگ کیسے یہ سوچ سکتے ہیں کہ رونالڈو بغیر سکیورٹی کے وہاں شادی کریں گے۔
دوسری جانب کرسٹیانو رونالڈو نے بھی اس دلچسپ واقعے پر خاموشی توڑ دی۔ انہوں نے انسٹاگرام پر ایک پوسٹ کے کمنٹ میں ہنستے ہوئے آنسوؤں والے ایموجیز کے ذریعے افواہ پر اپنا ردِعمل ظاہر کیا۔
وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…
ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…
ایک بیان میں وزیر پیٹرولیم نے کہا کہ عالمی منڈی کے نرخوں کے مطابق ایل پی جی کی قیمت…
وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…
ذرائع کے مطابق سابق وزیراعظم عمران خان نے پیر کے روز اڈیالہ جیل میں اپنے وکیل سے ملاقات کے…