پرویز الٰہی، زارا الٰہی، راسخ الٰہی کو عدالت سے بڑا ریلیف مل گیا

پرویز الٰہی، زارا الٰہی، راسخ الٰہی کو عدالت سے بڑا ریلیف مل گیا

لاہور: لاہور ہائی کورٹ کے جج جسٹس شمس محمود مرزا نے پرویز الٰہی، زارا الٰہی اور راسخ الٰہی کے نام پاسپورٹ کنٹرول لسٹ سے نکالنے کا حکم دے دیا۔

درخواست گزاروں کا موقف تھا کہ وفاقی حکومت نے پرویز الٰہی، زارا الٰہی کے نام غیر قانونی طور پر پی سی ایل میں ڈالے ہوئے ہیں۔ عدالت سے نام خارج کرنے کا حکم کرنے کی استدعا کی گئی تھی۔

پنجاب اسمبلی میں غیرقانونی بھرتیوں کے کیس میں سابق وزیراعلیٰ پنجاب چودھری پرویز الٰہی نے آج عدالت حاضری سے استثنا کی درخواست دے دی۔ لاہور کی اینٹی کرپشن عدالت میں پنجاب اسمبلی میں مبینہ غیر قانونی بھرتیوں کے مقدمے کی سماعت کے دوران چودھری پرویز الٰہی کے وکیل نے ایک روزہ حاضری معافی کی درخواست دائر کر دی۔