کراچی :شدید گرمی کے باعث جلدکے امراض بڑھنے لگے

کراچی :شدید گرمی کے باعث جلدکے امراض بڑھنے لگے

داد کی بیماری جسے فنگل انفیکشن بھی کہا جاتا ہے اس کے کیسز میں زیادہ اضافہ ہورہا ہے

گرمی میں شدت کے باعث کراچی کے شہری مختلف جلدی امراض میں مبتلا ہونے لگے۔ جناح ہسپتال کراچی کے ڈرماٹولی شعبہ کے سربراہ ڈاکٹر بہرام کھوسو کا کہنا ہے کہ مریض، پھوڑے، جلی ہوئی جلد، زرد زخم اور داد کی بیماری کی شکایات کے ساتھ ہسپتال آرہے ہیں۔
او پی ڈی میں ایک مہینہ قبل 50 سے 60 کیسز آتے مگر اب یہ تعداد بڑھ کر
ایک ماہ قبل او پی ڈی میں جلدی امراض کے کیسز کی تعداد50 سے 60 تھی مگر اب یہ بڑھ کر 100 سے 150 ہو گئی ہے۔زیادہ پسینہ آنے کے باعث جلد کی صفائی ستھرائی متاثر ہوتی ہے اور جلد کے مسامے بند ہونے کے باعث انفیکشن ہوتا ہے۔
داد کی بیماری جسے فنگل انفیکشن بھی کہا جاتا ہے اس کے کیسز میں زیادہ اضافہ ہورہا ہے۔ ادویات بھی داد کی بیماری پر اثر انداز نہیں ہورہیں۔

طبی ماہرین نے شہریوں کو حفاظتی اقدامات کی ہدایت دی ہے۔ ان کا کہنا ہے کہ روزانہ نہائیں رکھیں، ہلکے رنگ کے ڈھیلے لباس پہنیں، دوپہر میں باہر نکلنے سے بچیں۔ انفیکشن سے متاثرہ فرد کو اپنا تولیہ اور صابن علیحدہ رکھیں، تاکہ انفیکشن کا پھیلاؤ روکا جاسکے۔