Categories: پاکستان

چشتیاں شہر کی سڑکیں خستہ حالی کا شکار، شہریوں کی مشکلات میں اضافہ

طلبہ، خواتین اور معمر افراد کی نقل و حرکت ناممکن ہو گئی، مکھیوں اور مچھروں کی بہتات سے شہری پریشان

چشتیاں شہر کی سڑکیں خستہ حالی کا شکار، شہریوں کی مشکلات میں اضافہ

چشتیاں :چشتیاں شہر کی سڑکوں کی خستہ حالی اور انتظامیہ کی بے حسی نے شہریوں کی زندگی کو شدید متاثر کیا ہے۔ عوامی مطالبات اور سیاسی و سماجی شخصیات کی اپیلوں کے باوجود، حالات میں بہتری نہیں آئی۔ ضرورت اس امر کی ہے کہ حکومت اور متعلقہ ادارے فوری طور پر ان مسائل کا حل نکالیں تاکہ شہریوں کی زندگی آسان ہو سکے۔

حکومت اور متعلقہ ادارے فوری طور پر ان مسائل کا حل نکالیں تاکہ شہریوں کی زندگی آسان ہو سکے

چشتیاں شہر کی سڑکوں کی خستہ حالی ان دنوں شہر کے باشندوں کے لیے شدید پریشانی کا باعث بن چکی ہے۔ سڑکوں پر بڑے بڑے گڑھے اور کھڈے بنے ہوئے ہیں، جن کی وجہ سے راہگیروں کا گزرنا مشکل ہو گیا ہے۔ خاص طور پر بارش کے دنوں میں یہ گڑھے پانی سے بھر جاتے ہیں اور گلیاں ندی نالوں کا منظر پیش کرتی ہیں۔ اس پانی اور گندگی کے ڈھیروں سے مکھیوں اور مچھروں کی بہتات ہو گئی ہے، جس نے شہریوں کا جینا محال کر دیا ہے۔
چشتیاں کے مکینوں کا کہنا ہے کہ یہ صورتحال پچھلے دس سال سے جاری ہے اور کسی نے اس پر توجہ نہیں دی۔ طلبہ، خواتین اور معمر افراد کی نقل و حرکت تقریباً ناممکن ہو چکی ہے۔ علاقے کے لوگ اس صورتحال سے بے حد پریشان ہیں اور ان کا کہنا ہے کہ سیاسی نمائندے اور انتظامیہ دونوں ہی اس مسئلے پر توجہ نہیں دے رہے۔

سڑک تالاب کا منظر پیش کررہی ہے

مقامی سیاسی شخصیت حاجی سرفراز نے کہا، "سیاسی نمائندے اس وقت بے حسی کی چادر اوڑھے سو رہے ہیں۔ الیکشن قریب آتے ہی یہ جاگیں گے اور سرگرم ہو جائیں گے۔” ان کا مزید کہنا تھا کہ عوام کی پریشانیوں کا انہیں کوئی احساس نہیں ہے۔
معروف سماجی شخصیت چوہدری جاوید اقبال نے بتایا کہ، "محلے کی سڑکوں پر ملبے کے ڈھیر لگے ہوئے ہیں، جس کی وجہ سے حادثات روز کا معمول بن گئے ہیں۔ انتظامیہ اور عملے کی ناقص کارکردگی کی وجہ سے مین محلے بھی کھنڈرات کا منظر پیش کر رہے ہیں۔” ان کا مزید کہنا تھا کہ لوگوں کو آمدورفت میں شدید مشکلات کا سامنا ہے۔
معروف کاروباری شخصیات حافظ طلحہ اور حافظ حمزہ نے سیاسی نمائندوں اور انتظامیہ سے مطالبہ کیا کہ وہ شہر کی شاہراہوں کی تعمیر و مرمت اور سیوریج کے مسائل پر خصوصی توجہ دیں۔ انہوں نے کہا کہ، "یہ مسائل فوری توجہ کے متقاضی ہیں اور اگر ان پر جلد عمل نہیں کیا گیا تو شہریوں کی مشکلات میں مزید اضافہ ہو جائے گا۔”

web

Recent Posts

اسلام آباد: وزیراعظم شہباز شریف نے پیٹرولیم مصنوعات پر عوام کو ریلیف فراہم نہ کرنے والے پیٹرول پمپس کے خلاف کارروائی کی ہدایت کردی۔

  وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…

2 ہفتے ago

اسلام آباد: سابق سینیٹر مشتاق احمد کی اہلیہ حمیرا طیبہ نے فیملی کورٹ سے خلع حاصل کرلی، عدالت نے نکاح ختم کرنے کی ڈگری جاری کردی۔

  ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…

2 ہفتے ago

اسلام آباد: حکومت نے انسداد دہشت گردی کے لیے انٹیلی جنس بنیادوں پر آپریشنز کا دائرہ کار بڑھانے کا فیصلہ کرلیا۔

  وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…

2 ہفتے ago

  آئی جی سندھ جاوید عالم اوڈھو کے مطابق صوبے میں ڈکیتی مزاحمت کے دوران قتل کے واقعات میں 17…

2 ہفتے ago