10 سے 15 جولائی تک تیز بارشوں کی پیشگوئی

لاہور: صوبائی دارالحکومت لاہور میں سورج آنکھیں دکھانے لگا۔

محکمہ موسمیات کے مطابق باغوں کے شہر لاہور کا درجہ حرارت آج 29 سے 38 ڈگری سینٹی گریڈ کے درمیان رہنے کاامکان ہے ۔ آج شہر میں بارش کے کوئی امکانات نہیں ہیں۔

اعدادوشمار کے مطابق شہر میں ہوا میں نمی کا تناسب 74 فیصد تک پہنچ گیا ہے اور حبس کی کیفیت برقرار ہے۔

وسطی اور بالائی پنجاب میں 10 سے 15 جولائی کے درمیان تیز بارشوں کی پیشگوئی کی گئی ہے، جبکہ 12 سے 14 جولائی کے درمیان جنوبی پنجاب کے بیشتر اضلاع میں طوفان کا خدشہ ظاہر کیا گیا ہے۔

صوبائی ڈیزاسٹر مینجمنٹ اتھارٹی (پی ڈی ایم اے) نے جنوبی پنجاب کے ندی نالوں میں طغیانی کے لیے الرٹ جاری کیا ہے، اور متعلقہ اضلاع کے حکام کو ہر طرح کی مشینری تیار رکھنے کی ہدایت دی گئی ہے۔

صوبائی ڈیزاسٹر مینجمنٹ اتھارٹی کے ڈی جی عرفان علی کاٹھیا نے بتایا کہ پی ڈی ایم اے کنٹرول روم 24 گھنٹے صورتحال کی نگرانی کر رہا ہے۔