جسکی استدعا ہی نہیں کی گئی وہ ریلیف دیے دیا گیا: ثناء اللہ

وزیر اعظم شہباز شریف کے مشیر برائے سیاسی امور رانا ثنا اللہ نے کہا ہے کہ سپریم کورٹ کے فیصلے کی نظرثانی کے حوالے سے حتمی فیصلہ کابینہ کرے گی۔ انہوں نے پریس کانفرنس کے دوران کہا کہ قانون نظر ثانی کا موقع فراہم کرتا ہے اور عدالتی فیصلے عام آدمی کی سمجھ میں آنے چاہییں۔ ان کا کہنا تھا کہ انصاف ہونا نہیں بلکہ نظر آنا بھی چاہیے۔

رانا ثنا اللہ نے کہا کہ سپریم کورٹ نے ایک فیصلے میں تحریک انصاف کو مخصوص نشستیں دینے کا حکم دیا ہے، جو پہلے الیکشن کمیشن اور پشاور ہائیکورٹ کے فیصلوں کو کالعدم قرار دیتا ہے۔ انہوں نے کہا کہ یہ فیصلہ آئین میں ترمیم کا اختیار دیتا ہے، جو بن مانگے دیا گیا ہے۔

رانا ثنا اللہ نے مزید کہا کہ تحریک انصاف نے کبھی مخصوص نشستوں کا دعویٰ نہیں کیا تھا اور اس فیصلے کو نظرثانی کی ضرورت ہے۔ انہوں نے کہا کہ عدالت کا یہ فیصلہ حکومت کے خلاف کسی سازش کا حصہ نہیں ہے اور حکومت کے پاس وفاق اور پنجاب میں مطلوبہ نمبرز پورے ہیں۔

سپریم کورٹ کے فیصلے کے مطابق تحریک انصاف 15 دن میں مخصوص نشستوں کے لیے اپنی فہرست جمع کرائے گی اور 80 میں سے 39 ایم این ایز نے پہلے ہی اپنی وابستگی ظاہر کر دی ہے۔