200 یونٹ بجلی استعمال کرنیوالوں کو مفت سولر دینے کی تاریخ کا اعلان

200 یونٹ بجلی استعمال کرنیوالوں کو مفت سولر دینے کی تاریخ کا اعلان

لاہور: پنجاب حکومت نے یوم آزادی کے موقع پر صوبے میں مفت سولر پینلز کی تقسیم کا اعلان کیا ہے۔

وزیراعلیٰ پنجاب مریم نواز نے کہا ہے کہ 200 یونٹ تک بجلی استعمال کرنے والے عوام 14 اگست سے مفت سولر پینلز حاصل کر سکیں گے۔ جبکہ 200 سے 500 یونٹ تک بجلی استعمال کرنے والے صارفین کو سولر پینلز صرف 10 فیصد معاوضے پر دستیاب ہوں گے، جس کی 90 فیصد رقم پنجاب حکومت ادا کرے گی۔ یہ رقم بلا سود پانچ سال میں ادا کی جا سکے گی۔

پنجاب حکومت نے اس اسکیم کی تمام جزئیات طے کر لی ہیں اور سولر پینلز کی فراہمی بینکوں کے ذریعے کی جائے گی۔ مریم نواز کا کہنا ہے کہ اس اقدام سے عوام کے بجلی بلوں میں 40 فیصد کمی آئے گی۔

وزیراعلیٰ پنجاب نے کہا کہ عوام کو ریلیف فراہم کرنا ہی میرا مشن ہے۔ مشکل حالات کے باوجود ہم عوام کے ساتھ ہیں اور ہمیشہ رہیں گے۔