فیصل واوڈا نے حالات بہتر ہونے کی نوید سنا دی
اسلام آباد:سینیٹر فیصل واوڈا نے کہا ہے کہ پی ٹی آئی سے مذاکرات سمیت تمام جمہوری معاملات جمہوری انداز میں ہی حل کیے جائیں گے۔
سماجی رابطے کی ویب سائٹ ’’ایکس‘‘ پر اپنے پیغام میں فیصل واوڈا نے کہا کہ پاکستان کو ہمیشہ اولین ترجیح دی جائے گی، جبکہ سیاسی مسائل اس کے بعد آئیں گے۔ انہوں نے کہا کہ آئندہ دنوں میں وزیراعظم اور بلاول بھٹو کی ملاقات ہوتی ہوئی دیکھ رہا ہوں اور مولانا فضل الرحمان کا مسئلہ بھی جلد حل ہو جائے گا۔
ان کا مزید کہنا تھا کہ ایم کیو ایم اور باپ پارٹی کی نمائندگی کا معاملہ بھی طے پا جائے گا۔ انہوں نے امید ظاہر کی کہ ان شاء اللہ یہ سب جلدی ہوتا ہوا نظر آئے گا، اور یہی بات چیت سے آگے بڑھنے کا درست طریقہ ہے۔
سینیٹر فیصل واوڈا نے اس بات پر زور دیا کہ وہ پُرامید ہیں کہ ان کی کوششیں ضائع نہیں جائیں گی اور سیاسی جماعتیں ذمہ داری کا مظاہرہ کرتے ہوئے آگے بڑھیں گی۔
