بادل برسانے والا پاکستان سے جا چکا، سردی کی شدت میں اضافہ متوقع

بادل برسانے والا پاکستان سے جا چکا، سردی کی شدت میں اضافہ متوقع

لاہور:بادل برسانے والا سسٹم پاکستان سے گزر جانے کے بعد آنے والے دنوں میں شدید سردی کی توقع کی جا رہی ہے۔
محکمہ موسمیات کے مطابق لاہور سمیت پورے پنجاب میں دوبارہ خشک موسم کا سلسلہ شروع ہو گیا ہے۔ گزشتہ روز صوبائی دارالحکومت میں بعض مقامات پر ہلکی بارش کی اطلاع ملی، جس سے خشک موسم میں عارضی کمی ہوئی۔
موسمی ماہرین نے بتایا کہ آج منگل کے روز بارش کا سسٹم پاکستان سے نکل گیا، جس کے نتیجے میں آئندہ دو سے تین دن تک موسم سرد رہے گا۔ لاہور میں آج کم سے کم درجہ حرارت 6 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 19 ڈگری سینٹی گریڈ تک جانے کی توقع ہے۔
ادھر کراچی میں معمول سے تیز سرد ہوائیں چلنے کے باعث موسم کی شدت میں اضافہ ہوا ہے۔ محکمہ موسمیات کے مطابق کراچی میں آئندہ 24 گھنٹوں کے دوران موسم خشک اور سرد رہنے کا امکان ہے۔ شمال مشرقی سمت سے 20 سے 35 کلومیٹر فی گھنٹہ کی رفتار سے چلنے والی ہوائیں سردی کی شدت کو مزید بڑھا رہی ہیں، اور سردی محسوس ہونے والا درجہ حرارت حقیقی درجہ حرارت سے 2 سے 4 ڈگری زیادہ ہو سکتا ہے۔