بلاول بھٹو نے فٹنس کا راز بتا دیا: "روٹی اور چینی چھوڑو، جم جانا شروع کرو”

اسلام آباد (ایم وائے کے نیوز) پاکستان پیپلز پارٹی کے چیئرمین اور سابق وزیر خارجہ بلاول بھٹو زرداری نے حال ہی میں اپنی فٹنس میں بہتری کا راز عوام کے ساتھ شیئر کیا ہے، جسے سوشل میڈیا پر بھی خوب سراہا جا رہا ہے۔

میڈیا سے غیر رسمی گفتگو کے دوران بلاول بھٹو کا کہنا تھا: "روٹی اور چینی چھوڑ دو، ورزش شروع کرو، جم جانا شروع کرو۔” ان کے بقول، ان سادہ مگر مستقل عادات نے ان کی جسمانی ساخت میں نمایاں بہتری پیدا کی ہے۔بلاول بھٹو نے بتایا کہ انہوں نے اپنی خوراک سے روایتی غذا، خصوصاً روٹی اور میٹھا، مکمل طور پر ترک کر دیا ہے، اور صحت مند طرزِ زندگی کو اپناتے ہوئے باقاعدگی سے ورزش اور جم کو معمول کا حصہ بنا لیا ہے۔