بانی پی ٹی آئی نے سندھ میں پارٹی قیادت میں تبدیلی کی ہدایت جاری کر دی۔

راولپنڈی: پاکستان تحریک انصاف کے بانی عمران خان نے سندھ میں پارٹی قیادت میں تبدیلی کی ہدایت جاری کر دی۔ذرائع کے مطابق علی امین گنڈا پور اور جنید اکبر کو اڈیالہ جیل ملاقات کے لیے بلایا گیا، جس کی تصدیق وزیراعلیٰ سیکرٹریٹ حکام نے بھی کی۔ ملاقات کے دوران عمران خان نے سندھ میں قیادت کی تبدیلی کی منظوری دی، اور امکان ہے کہ کراچی میں عالمگیر خان کو اہم ذمہ داری سونپی جائے گی۔

مزید برآں، عمران خان نے کنول شوذب اور عالیہ حمزہ کو پارٹی کی سیاسی کمیٹی میں شامل کرنے کی ہدایت بھی دی ہے۔ یہ تبدیلیاں سندھ میں پی ٹی آئی کی تنظیم نو اور پارٹی کی پوزیشن مستحکم کرنے کی حکمت عملی کا حصہ ہیں۔