پتنگ بازی پر مکمل پابندی کا بل منظور، سخت سزائیں مقرر

پہلی مرتبہ پتنگ بازی میں ملوث بچوں کو 50 ہزار روپے جبکہ دوسری بار 1 لاکھ روپے جرمانے کا سامنا ہوگا

لاہور:پنجاب اسمبلی نے پتنگ بازی پر مکمل پابندی کا بل منظور کر لیا، جس کے تحت خلاف ورزی کرنے والوں کے لیے سخت سزائیں مقرر کی گئی ہیں۔
پنجاب میں پتنگ بازی کی ممانعت کا ترمیمی ایکٹ 2024 منظور کیا گیا ہے، جس کے تحت پتنگ بازی کو ناقابل ضمانت جرم قرار دیا گیا ہے۔ نئے قانون کے مطابق خلاف ورزی کرنے والوں کو کم از کم 3 سال اور زیادہ سے زیادہ 7 سال قید کی سزا دی جائے گی۔
ترمیمی ایکٹ کے تحت پتنگ بازی، اس کی تیاری، فروخت اور نقل و حمل پر 5 لاکھ سے 50 لاکھ روپے تک کے جرمانے عائد کیے جائیں گے۔ قانون کا اطلاق دھاتی تاروں، نائلون کی ڈور، تیز دھار مانجھے اور تمام پتنگ بازی سے متعلقہ مواد پر ہوگا۔
پتنگ اڑانے والے کو 3 سے 5 سال قید یا 20 لاکھ روپے جرمانہ یا دونوں سزائیں دی جا سکتی ہیں۔پتنگ ساز اور ٹرانسپورٹر کے لیے سزا 5 سے 7 سال قید یا 50 لاکھ روپے جرمانہ یا دونوں ہوں گی۔پہلی مرتبہ پتنگ بازی میں ملوث بچوں کو 50 ہزار روپے جبکہ دوسری بار 1 لاکھ روپے جرمانے کا سامنا ہوگا۔
پتنگ بازی کے دوران تیز دھار ڈور کے استعمال سے قیمتی جانوں کا ضیاع ہوا، جس نے انسانی جان کے تحفظ کو یقینی بنانے کے لیے اس سخت قانون کی منظوری کو ناگزیر بنا دیا۔ یہ اقدام عوامی تحفظ کو ترجیح دیتے ہوئے کیا گیا ہے، تاکہ جان لیوا حادثات کو روکا جا سکے اور قوانین کی سختی سے عملدرآمد کو یقینی بنایا جا سکے۔

 

web

Recent Posts

اسلام آباد: وزیراعظم شہباز شریف نے پیٹرولیم مصنوعات پر عوام کو ریلیف فراہم نہ کرنے والے پیٹرول پمپس کے خلاف کارروائی کی ہدایت کردی۔

  وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…

2 ہفتے ago

اسلام آباد: سابق سینیٹر مشتاق احمد کی اہلیہ حمیرا طیبہ نے فیملی کورٹ سے خلع حاصل کرلی، عدالت نے نکاح ختم کرنے کی ڈگری جاری کردی۔

  ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…

2 ہفتے ago

اسلام آباد: حکومت نے انسداد دہشت گردی کے لیے انٹیلی جنس بنیادوں پر آپریشنز کا دائرہ کار بڑھانے کا فیصلہ کرلیا۔

  وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…

2 ہفتے ago

  آئی جی سندھ جاوید عالم اوڈھو کے مطابق صوبے میں ڈکیتی مزاحمت کے دوران قتل کے واقعات میں 17…

2 ہفتے ago