پاکستان اور سعودی عرب میں ایک ہی روز عید الفطر منائے جانے کا امکان

اسلام آباد/ریاض (نمائندہ خصوصی) – پاکستان اور سعودی عرب میں عید الفطر 31 مارچ کو ایک ساتھ ہونے کے قوی امکانات ظاہر کیے جا رہے ہیں۔ ماہرین فلکیات کے مطابق، چاند کی پیدائش 29 مارچ کو ہوگی، تاہم سعودی عرب میں اس دن چاند نظر آنے کے امکانات کم ہیں، جس کے باعث دونوں ممالک میں عید ایک ہی دن 31 مارچ کو ہونے کا امکان ہے۔

ماہرین کے مطابق 30 مارچ کو دنیا کے بیشتر حصوں میں چاند انسانی آنکھ سے بآسانی دیکھا جا سکے گا، خاص طور پر ان علاقوں میں جہاں موسم صاف ہوگا۔ مکہ مکرمہ میں 30 مارچ کو چاند کی عمر 28 گھنٹے 38 منٹ ہوگی جبکہ کراچی میں اسی روز چاند کی عمر 26 گھنٹے 50 منٹ ہوگی، جو رؤیت کے لیے موزوں تصور کی جاتی ہے۔

پاکستان میں مرکزی رویت ہلال کمیٹی کا اجلاس 30 مارچ کو اسلام آباد میں طلب کر لیا گیا ہے، جہاں چاند کی رؤیت کے حوالے سے حتمی اعلان کیا جائے گا۔ دوسری جانب، وفاقی حکومت کے بعد سندھ حکومت نے بھی 31 مارچ سے 2 اپریل تک عید الفطر کی تعطیلات کا اعلان کر دیا ہے۔ سعودی فلکیاتی ماہرین کے مطابق، 29 مارچ کو سعودی عرب میں چاند نظر آنے کے امکانات کمزور ہیں، جس کے نتیجے میں وہاں عید 31 مارچ کو متوقع ہے۔

اگر یہ پیشگوئی درست ثابت ہوتی ہے، تو کئی سالوں بعد پاکستان اور سعودی عرب میں ایک ہی دن عید الفطر منائی جائے گی۔ عید کی تاریخوں میں فرق اکثر چاند کی رؤیت کے اختلافات کی وجہ سے ہوتا ہے، تاہم اس سال فلکیاتی حالات ایک جیسے دکھائی دے رہے ہیں۔ پاکستان بھر میں عید کی تیاریوں کا آغاز ہو چکا ہے، اور شہری مارکیٹوں میں رش، مہندی، ملبوسات اور مٹھائی کی خریداری میں مصروف نظر آ رہے ہیں۔

web

Recent Posts

اسلام آباد: وزیراعظم شہباز شریف نے پیٹرولیم مصنوعات پر عوام کو ریلیف فراہم نہ کرنے والے پیٹرول پمپس کے خلاف کارروائی کی ہدایت کردی۔

  وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…

2 ہفتے ago

اسلام آباد: سابق سینیٹر مشتاق احمد کی اہلیہ حمیرا طیبہ نے فیملی کورٹ سے خلع حاصل کرلی، عدالت نے نکاح ختم کرنے کی ڈگری جاری کردی۔

  ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…

2 ہفتے ago

اسلام آباد: حکومت نے انسداد دہشت گردی کے لیے انٹیلی جنس بنیادوں پر آپریشنز کا دائرہ کار بڑھانے کا فیصلہ کرلیا۔

  وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…

2 ہفتے ago

  آئی جی سندھ جاوید عالم اوڈھو کے مطابق صوبے میں ڈکیتی مزاحمت کے دوران قتل کے واقعات میں 17…

2 ہفتے ago