کراچی: جناح سندھ میڈیکل یونیورسٹی (جے ایس ایم یو) نے سابق وزیراعلیٰ سندھ سید قائم علی شاہ کی صاحبزادی پروفیسر ڈاکٹر نگہت شاہ کی ریٹائرمنٹ اور اس کے فوری بعد تین سالہ کنٹریکٹ پر خدمات جاری رکھنے کے حوالے سے دو الگ نوٹیفکیشن جاری کردیے۔
یونیورسٹی کے مطابق پروفیسر ڈاکٹر نگہت شاہ، جو پروفیسر آف گائناکالوجی اینڈ آبسٹیٹرکس (BPS-21) اور پرو وائس چانسلر کے عہدے پر فائز تھیں، 12 اگست 2026 کی دوپہر سے سرکاری ملازمت سے ریٹائر ہوگئیں۔
ڈاکٹر نگہت شاہ کو اکتوبر 2025 میں جے ایس ایم یو کا پرو وائس چانسلر مقرر کیا گیا تھا، تاہم ان کی یہ تقرری مدتِ ملازمت مکمل ہونے تک تھی۔
دوسری جانب یونیورسٹی کے جاری کردہ دوسرے نوٹیفکیشن میں بتایا گیا ہے کہ حکومت سندھ کے فیصلے اور مجاز اتھارٹی، یعنی سنڈیکیٹ کی منظوری کے بعد ڈاکٹر نگہت شاہ کو پروفیسر آف گائناکالوجی (BPS-21) کی حیثیت سے تین سال کے لیے کنٹریکٹ پر خدمات جاری رکھنے کی اجازت دے دی گئی ہے۔
یہ کنٹریکٹ 13 اگست 2026 سے نافذ العمل ہوگا، یعنی ریٹائرمنٹ کے اگلے ہی روز سے ڈاکٹر نگہت شاہ دوبارہ اسی یونیورسٹی میں بطور پروفیسر خدمات انجام دینا شروع کردیں گی۔
یوں جے ایس ایم یو کے دونوں نوٹیفکیشن کے مطابق ڈاکٹر نگہت شاہ 12 اگست کو سرکاری ملازمت سے ریٹائر ہوئیں اور بغیر کسی وقفے کے 13 اگست سے تین سالہ کنٹریکٹ پر پروفیسر آف گائناکالوجی کی حیثیت سے اپنی خدمات جاری رکھیں گی۔
وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…
ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…
ایک بیان میں وزیر پیٹرولیم نے کہا کہ عالمی منڈی کے نرخوں کے مطابق ایل پی جی کی قیمت…
وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…
ذرائع کے مطابق سابق وزیراعظم عمران خان نے پیر کے روز اڈیالہ جیل میں اپنے وکیل سے ملاقات کے…