اسلام آباد کے ڈی چوک میں آج کیا ہونے جا رہا ہے؟

اسلام آباد: ڈی چوک 12 سال بعد یومِ آزادی سٹی پریڈ کی میزبانی کے لیے تیار

وفاقی دارالحکومت اسلام آباد کا معروف ڈی چوک 12 سال بعد ایک بار پھر خصوصی سٹی پریڈ کی میزبانی کرے گا۔ یومِ آزادی کے موقع پر آج اسلام آباد میں خصوصی یومِ آزادی سٹی پریڈ منعقد کی جارہی ہے، جس میں شہریوں کو اہلِ خانہ کے ہمراہ شرکت کی دعوت دی گئی ہے۔

وفاقی وزیر داخلہ محسن نقوی نے سوشل میڈیا پلیٹ فارم ایکس پر اپنے پیغام میں تقریب کا اعلان کرتے ہوئے کہا کہ 12 سال بعد ڈی چوک ایک مرتبہ پھر رونق بکھیرنے جارہا ہے۔

محسن نقوی نے کہا کہ یومِ آزادی پاکستان کی مناسبت سے آج ڈی چوک اسلام آباد میں خصوصی سٹی پریڈ ہوگی، جس میں شہری اپنے اہلِ خانہ کے ہمراہ شریک ہوکر قومی جشن منائیں۔

وفاقی وزیر داخلہ کے مطابق خصوصی تقریب آج شام 5 بجے ڈی چوک پر منعقد ہوگی۔ انہوں نے شہریوں سے اپیل کی کہ وہ تقریب کا حصہ بنیں اور پاکستان کے جذبے، فخر اور قومی اتحاد کا جشن مل کر منائیں۔

محسن نقوی نے اپنے پیغام کے اختتام پر پاکستان ہمیشہ زندہ باد کا نعرہ بھی لگایا۔

واضح رہے کہ ڈی چوک پارلیمنٹ ہاؤس، ایوانِ صدر اور دیگر اہم سرکاری عمارتوں کے قریب واقع ہونے کے باعث اسلام آباد کے اہم ترین مقامات میں شمار ہوتا ہے۔ 12 سال کے وقفے کے بعد اس مقام پر یومِ آزادی کی خصوصی سٹی پریڈ کا انعقاد قومی یکجہتی اور وطن سے محبت کے جذبے کو اجاگر کرنے کے لیے کیا جارہا ہے۔

web

Recent Posts

اسلام آباد: وزیراعظم شہباز شریف نے پیٹرولیم مصنوعات پر عوام کو ریلیف فراہم نہ کرنے والے پیٹرول پمپس کے خلاف کارروائی کی ہدایت کردی۔

  وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…

2 ہفتے ago

اسلام آباد: سابق سینیٹر مشتاق احمد کی اہلیہ حمیرا طیبہ نے فیملی کورٹ سے خلع حاصل کرلی، عدالت نے نکاح ختم کرنے کی ڈگری جاری کردی۔

  ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…

2 ہفتے ago

اسلام آباد: حکومت نے انسداد دہشت گردی کے لیے انٹیلی جنس بنیادوں پر آپریشنز کا دائرہ کار بڑھانے کا فیصلہ کرلیا۔

  وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…

2 ہفتے ago

  آئی جی سندھ جاوید عالم اوڈھو کے مطابق صوبے میں ڈکیتی مزاحمت کے دوران قتل کے واقعات میں 17…

2 ہفتے ago