آئی جی پنجاب کی زیر صدارت اجلاس میں سٹی ٹریفک پولیس لاہور میں تعینات تمام پنجاب ہائی وے پٹرول (پی ایچ پی) اہلکاروں کو فوری طور پر واپس بلانے کا حکم دے دیا گیا۔
پنجاب ہائی وے پٹرول کے اہلکاروں کو رواں سال فروری میں لاہور شہر کے اندر ٹریفک مینجمنٹ بہتر بنانے اور نفری کی کمی پوری کرنے کے لیے عارضی طور پر سٹی ٹریفک پولیس کے سپرد کیا گیا تھا۔
مراسلے کے مطابق لاہور میں تعینات تمام پی ایچ پی اہلکاروں کو اپنے متعلقہ فوکل پرسنز کو رپورٹ کرنے کی ہدایت کی گئی ہے۔
حکام کے مطابق پی ایچ پی اہلکار واپسی کے بعد اپنے اصل ریجنز، یعنی گوجرانوالہ، فیصل آباد اور ساہیوال میں دوبارہ ڈیوٹی سنبھالیں گے۔
جاری مراسلے میں متعلقہ حکام کو ہدایت کی گئی ہے کہ اہلکاروں کی واپسی کے لیے فوری اور مناسب ٹرانسپورٹ کے انتظامات یقینی بنائے جائیں۔
