کراچی:پاکستان، نیوزی لینڈ اور جنوبی افریقا کے درمیان ہونے والی سہ ملکی سیریز کے آخری میچ اور فائنل کی تاریخ میں تبدیلی کر دی گئی ہے۔
ذرائع کے مطابق، سیریز کا آخری میچ اب 13 فروری کو کھیلا جائے گا، جبکہ فائنل 15 فروری کو ہوگا۔ پہلے یہ میچ 12 فروری کو اور فائنل 14 فروری کو طے تھا۔ یہ سیریز چیمپیئنز ٹرافی کی تیاری کے لیے ہے، جو 19 فروری سے شروع ہو رہی ہے۔
پی سی بی کے ترجمان کا کہنا ہے کہ کراچی میں ہونے والے میچز کی تاریخوں میں تبدیلی زیر غور ہے، لیکن اس حوالے سے ابھی کوئی حتمی فیصلہ نہیں کیا گیا۔
