سابق گرل فرینڈ کا ’’نام‘‘ میاں بیوی کے درمیان شدید اختلافات کا باعث

سابق گرل فرینڈ کا ’’نام‘‘ میاں بیوی کے درمیان شدید اختلافات کا باعث

ُ(نیٹ نیوز)ایک حاملہ خاتون نے اپنی پیدا ہونے والی بیٹی کے نام کے انتخاب پر شوہر کی جانب سے دی گئی تجویز پر سخت اعتراض کیا، جس کے بعد اُن کے درمیان اختلافات نے جنم لیا۔ خاتون نے ریڈٹ پر اپنی ناراضگی کا اظہار کرتے ہوئے تفصیلات شیئر کیں، جس میں اس نے اپنے شوہر کی غیر متوقع تجویز کو افسوس ناک قرار دیا۔
23 سالہ خاتون نے بتایا کہ اُن کی شادی کو دو سال ہوچکے ہیں اور وہ اپنی پہلی بیٹی کی پیدائش کی خوشخبری سن کر بے حد خوش تھیں لیکن جب اُن کے شوہر نے بچی کے نام کے حوالے سے اپنی سابقہ گرل فرینڈ کے نام تجویز کیے تو ان کی خوشی ماند پڑ گئی۔ خاتون نے مزید لکھا کہ جب انہیں معلوم ہوا کہ ان کے ہاں بیٹی پیدا ہونے والی ہے تو شوہر نے اُس بچی کا نام اپنی سابقہ محبوبہ کے نام پر رکھنے کی ضد شروع کردی۔
خاتون کے مطابق ان کے شوہر اب بھی اپنی سابقہ گرل فرینڈ کے لیے جذبات رکھتے ہیں اور یہی وجہ ہے کہ وہ اپنی بیٹی کا نام بھی اُسی کے نام پر رکھنا چاہتے ہیں۔ شوہر نے یہ پیشکش کی کہ وہ ان کے دوسرے بچے کا نام خود چُن سکتی ہیں، لیکن خاتون اس پر سخت برہم ہوگئیں اور اسے قبول کرنے سے انکار کردیا۔
خاتون نے اپنی پوسٹ میں لکھا کہ اُن کے شوہر کو یہ بات سمجھ نہیں آرہی کہ وہ اپنی سابقہ محبوبہ کے نام پر بیٹی کا نام رکھنے کے بارے میں کیوں حساس ہیں۔ اس صورتحال سے خاتون کو شدید دکھ اور افسوس ہوا ہے، اور انہوں نے شوہر کے اس رویے کو بے حسی کا مظہر قرار دیا۔