دُلہن کی شادی کے دن عجیب فرمائش، دُلہا اور دُلہن کے درمیان جھگڑا
بھارتی ریاست اتر پردیش کے شہر سہارنپور میں ایک شادی کے دن دُلہن کی طرف سے کی جانے والی غیر معمولی فرمائش نے سب کو حیران کن کردیا۔
رپورٹس کے مطابق شادی کی ایک رسم کے دوران دُلہن نے دُلہے سے شراب، چرس اور مٹن (بکرے کا گوشت) کا مطالبہ کیا۔ دُلہے نے دُلہن کی شراب کی خواہش پوری تو کر دی، لیکن جب اس نے چرس اور مٹن کا بھی مطالبہ کیا تو یہ بات دونوں کے درمیان جھگڑے کا سبب بن گئی۔
دُلہا اس صورتحال سے اتنا پریشان ہوا کہ اس نے اپنے خاندان کو اس جھگڑے میں شامل کر لیا، اور پھر دونوں خاندان پولیس کے پاس پہنچ گئے۔ پولیس کی تفتیش کے دوران، دُلہے کے خاندان نے دُلہن پر الزام لگایا کہ وہ خاتون نہیں بلکہ تیسری جنس سے تعلق رکھتی ہے۔
پولیس کی مداخلت کے بعد دونوں خاندانوں نے فیصلہ کیا کہ وہ آپس میں بات کرکے مسئلہ حل کریں گے اور نہ ہی کسی نے رپورٹ درج کرائی۔ پولیس کے مطابق، دونوں خاندان اس معاملے کو خود ہی حل کرنا چاہتے تھے۔
