امریکا کا پاکستان کے بیلسٹک میزائل پروگرام پر اعتراض
امریکا کا پاکستان کے بیلسٹک میزائل پروگرام پر اعتراض
واشنگٹن: امریکی محکمہ خارجہ کے ترجمان میتھیو ملر کا کہنا ہے کہ پاکستان سے طویل مدتی شراکت داری برقرار رہے گی مگر امریکہ پاکستان کے بیلسٹک میزائل پروگرام کی حمایت نہیں کرے گا۔ واشنگٹن میں پریس بریفنگ کے دوران انہوں کہا کہ امریکا مہلک ہتھیاروں کے پھیلاؤ کو روکنے کے لیے بین الاقوامی نظام کو مضبوط بنانے کے لیے پرعزم ہے اور وہ ان نیٹ ورکس کے خلاف کارروائی کرتا رہے گا جو اس پھیلاؤ میں معاون ہوتے ہیں۔
میتھیو ملر کا کہنا تھا کہ امریکا کئی برسوں سے پاکستان کے بیلسٹک میزائل پروگرام پر اپنے خدشات کا اظہار کر رہا ہے اور یہ خدشات مستقل اور واضح ہیں۔ انہوں نے کہا کہ امریکا اپنی قومی سلامتی کو یقینی بنانے کے لیے پابندیوں اور دیگر اقدامات کا استعمال جاری رکھے گا تاکہ کوئی خطرہ پیدا نہ ہو۔
اس کے باوجود، ملر نے اس بات پر زور دیا کہ پاکستان امریکا کا طویل مدتی شراکت دار ہے اور دونوں ممالک کے درمیان شراکت داری کا تسلسل برقرار رہے گا۔
دوسری جانب، امریکی محکمہ خارجہ کے ترجمان نے پیجر دھماکوں سے متعلق سوالات پر کہا کہ امریکا ان دھماکوں میں ملوث نہیں اور نہ ہی اسے معلوم ہے کہ اس کے پیچھے کون ہے۔ انہوں نے یہ بھی کہا کہ امریکا ان دھماکوں کی تحقیقات کا خواہاں ہے اور اسرائیل اور حزب اللہ کے درمیان مسائل کا سفارتی حل ہونا چاہیے۔
وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…
ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…
ایک بیان میں وزیر پیٹرولیم نے کہا کہ عالمی منڈی کے نرخوں کے مطابق ایل پی جی کی قیمت…
وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…
ذرائع کے مطابق سابق وزیراعظم عمران خان نے پیر کے روز اڈیالہ جیل میں اپنے وکیل سے ملاقات کے…