حماس نے القسام بریگیڈ کے کمانڈر محمد ضیف کی شہادت کی تصدیق کر دی
غزہ: فلسطینی مزاحمتی تنظیم حماس نے تصدیق کی ہے کہ عزالدین القسام بریگیڈ کے سربراہ محمد ضیف شہید ہو گئے ہیں۔
غیر ملکی خبر رساں ادارے رائٹرز کے مطابق القسام بریگیڈ کے ترجمان ابو عبیدہ نے ایک بیان میں کہا کہ حماس کے عسکری سربراہ محمد ضیف اور نائب سربراہ مروان عیسیٰ شہید ہو گئے ہیں۔
ترجمان نے مزید بتایا کہ حماس کی جنرل ملٹری کونسل کے تین دیگر سینئر رہنما بھی اس حملے میں شہید ہوئے ہیں۔
محمد ضیف کا شمار حماس کے اہم ترین رہنماؤں میں ہوتا تھا۔ وہ طویل عرصے تک اسرائیل کے خلاف مزاحمت میں سرگرم رہے اور اسرائیلی فورسز انہیں پکڑنے میں ناکام رہیں۔
گزشتہ سال اگست میں اسرائیل نے دعویٰ کیا تھا کہ خان یونس میں فضائی کارروائی کے دوران محمد ضیف کو نشانہ بنایا گیا تھا، جبکہ اس سے قبل مارچ میں بھی اسرائیل نے اعلان کیا تھا کہ محمد ضیف اور مروان عیسیٰ شہید ہو چکے ہیں۔
اسرائیلی حکام کے مطابق، 7 اکتوبر کو حماس کے اسرائیل پر حملے کے پیچھے محمد ضیف اور مروان عیسیٰ کا ماسٹر مائنڈ ہونے کا شبہ ظاہر کیا جاتا رہا ہے۔
محمد ضیف حماس کے عسکری ونگ عزالدین القسام بریگیڈ کے سربراہ تھے۔
حماس کے اہم رہنماؤں کی شہادت کے بعد خطے میں کشیدگی مزید بڑھنے کا خدشہ ظاہر کیا جا رہا ہے۔
کوئٹہ: کوئٹہ سمیت بلوچستان بھر میں گندم کا بحران سنگین صورتحال اختیار کرگیا، جبکہ آٹے کی قیمتوں میں بھی نمایاں…
پنجاب میں آئندہ سال مارچ کے دوسرے ہفتے بسنت منانے کا فیصلہ لاہور: پنجاب حکومت نے آئندہ برس صوبے بھر…
پاکستان کا پانی روکنے کی کوئی بھی کوشش جنگی اقدام تصور ہوگی، وزیراعظم اسلام آباد: وزیراعظم شہباز شریف نے کہا…
پشاور: وسائل سے فائدہ اٹھا کر خیبرپختونخوا کو خوشحال بنائیں گے، فیصل کریم کنڈی پشاور: گورنر خیبرپختونخوا فیصل کریم کنڈی…
کراچی: خاتون پر تیزاب پھینکنے کے کیس میں شوہر کی ضمانت منظور کراچی کی ایڈیشنل ڈسٹرکٹ اینڈ سیشن عدالت وسطی…
تہران: پاکستان کے چیف آف ڈیفنس فورسز اور آرمی چیف فیلڈ مارشل عاصم منیر ایران پہنچ گئے ہیں۔ خبر رساں…