پولینڈ کی ٹینس اسٹار ایگا شواتک نے کینیڈین اوپن کے فائنل میں قازقستان کی ایلینا ریباکینا کو شکست دے کر ٹائٹل اپنے نام کرلیا۔
ٹورنٹو میں کھیلے گئے ایونٹ کے فائنل میں ایگا شواتک نے ایلینا ریباکینا کو 6-2 اور 6-3 سے شکست دے کر رواں سیزن کا پہلا ٹائٹل جیت لیا۔
چھ مرتبہ کی گرینڈ سلیم چیمپئن شواتک نے فائنل میں جارحانہ کھیل پیش کیا، جبکہ ریباکینا غیر ضروری غلطیوں کے باعث دباؤ میں نظر آئیں۔ عالمی نمبر دو ریباکینا نے پہلے سیٹ میں 12 اَن فورسڈ ایررز کیے۔
کامیابی کے بعد شواتک نے کہا کہ ٹائٹل جیتنے کے باوجود وہ خوشی کے بجائے غصہ محسوس کر رہی ہیں، کیونکہ رواں سیزن میں ان کی کارکردگی پر پولینڈ کے میڈیا کی جانب سے شدید تنقید کی گئی۔
کینیڈین اوپن کا ٹائٹل جیتنے کے بعد ایگا شواتک عالمی رینکنگ میں دوبارہ ٹاپ فائیو میں شامل ہوجائیں گی۔
