مسی ساگا میں پاکستانی فیسٹیول، ہزاروں افراد کی شرکت سے نیا ریکارڈ قائم
کینیڈا کے شہر مسی ساگا میں پاکستانی کمیونٹی کے ہزاروں افراد نے پاکستان فیسٹیول میں شرکت کرکے نیا ریکارڈ قائم کردیا۔
جیو نیوز اور جیو انٹرٹینمنٹ کے تعاون سے منعقد ہونے والی یہ تقریب شمالی امریکا میں یومِ آزادی پاکستان کے حوالے سے ہونے والی سب سے بڑی تقریبات میں شامل رہی، جس میں کینیڈا کے وزراء، ارکانِ پارلیمنٹ، میئرز اور کونسلرز نے بھی شرکت کی۔
قونصل جنرل پاکستان خلیل باجوہ نے اپنے خطاب میں کہا کہ ہزاروں پاکستانیوں نے فیسٹیول میں شرکت کرکے اپنے اتحاد کا بھرپور مظاہرہ کیا ہے۔
ٹریژری بورڈ آف کینیڈا کے صدر اور وفاقی وزیر شفقت علی، صوبائی وزیر زی حامد، سینیٹر سلمٰی عطا اللہ جان اور ارکانِ پارلیمنٹ اقرا خالد اور رانا اسلم نے پاکستانی کمیونٹی کو یومِ آزادی کی مبارک باد دی۔
اس موقع پر میئر مسی ساگا کیرولین پیرش اور میئر برامپٹن پیٹرک براؤن نے کہا کہ پاکستانی کمیونٹی کینیڈا کی ترقی اور خوشحالی میں بھرپور کردار ادا کر رہی ہے۔
پاکستان فیسٹیول میں معروف پاکستانی گلوکاروں رحیم شاہ، بلال خان، ایوش ربانی اور مقامی فنکاروں نے اپنے فن کا مظاہرہ کیا۔ اس دوران پاکستانی کمیونٹی کا جوش و جذبہ دیدنی رہا اور فضا پاکستان زندہ باد کے نعروں سے گونجتی رہی۔
فیسٹیول میں مقامی پائپ بینڈ نے قومی نغموں کی خوبصورت دھنیں پیش کیں، جبکہ رحیم شاہ نے اپنے مقبول گیت سنا کر میلہ لوٹ لیا۔ شرکا نے موسیقی پر رقص کرکے بھرپور انداز میں جشن منایا۔
وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…
ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…
ایک بیان میں وزیر پیٹرولیم نے کہا کہ عالمی منڈی کے نرخوں کے مطابق ایل پی جی کی قیمت…
وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…
ذرائع کے مطابق سابق وزیراعظم عمران خان نے پیر کے روز اڈیالہ جیل میں اپنے وکیل سے ملاقات کے…