مشہور شیف ناہید انصاری خالق حقیقی سے جا ملیں,مداح غم سے نڈھال
پاکستان کی مشہور شیف ناہید انصاری خالق حقیقی سے جا ملیں۔انہوں نے مختلف کوکنگ شوز اور مارننگ شوز میں کھانوں کی مزیدار تراکیب اور ٹوٹکوں سے عوام سے دلوں میں گھر کیا۔
ان کی رحلت کی خبر نجی ٹی وی شو کی میزبان نے اپنے انسٹاگرام اکاؤنٹ پر شیئر کی۔
انتقال کی خبر سننے کے بعد سوشل میڈیا صارفین اور ان کے مداحوں گہرے صدمے اور غم سے نڈھال ہیں۔ان کی نرم مزاج شخصیت اور دھیمی آواز کے باعث ہر کوئی انہیں شوق سے سنتا تھا۔
ناہید انصاری کو گزشتہ روز 5 جولائی کی شب کراچی کے علاقے ڈی ایچ اے فیز 8 میں سپردخاک کیا گیا۔
مشہور پاکستانی اینکر اور میزبان سدرہ اقبال نے انسٹاگرام پر ناہید انصاری کے انتقال کی خبر دی، ناہید انصاری کی تصاویر پوسٹ کرتے ہوئے انہوں نے لکھا کہ میں بہت افسوس سے اعلان کررہی ہوں کہ ناہید آپا اب ہم میں نہیں رہیں۔ ہم ان کی مغفرت اور بخشش کے لئے اللہ سے دعا گو ہوں۔انہوں نے کہا کہ اللہ پاک ناہید انصاری کے اہل خانہ کو صبر اور یہ صدمہ برداشت کرنے کی توفیق دے اور انہیں جنت الفردوس میں اعلیٰ مقام عطا فرجائے۔
ناہید انصاری کوکنگ اور بیکنگ کے ساتھ ساتھ ہینڈی کرافٹ کی کلاسز بھی دیتی تھیں، ان کی موت کی اچانک خبر نے ان کے چاہنے والوں کو انتہائی غمزدہ کردیا ہے۔
