پاک سوزوکی موٹر کمپنی بڑاہدف حاصل کرنے میں کامیاب ہوگئی

پاک سوزوکی موٹر کمپنی بڑاہدف حاصل کرنے میں کامیاب ہوگئی

اسلام آباد: پاک سوزوکی موٹر کمپنی لمیٹڈ نے بنگلہ دیش اور افغانستان کو گاڑیاں برآمد کرنا شروع کر دی ہیں۔ یہ بات پاکستان میں آٹو مینوفیکچرنگ کے میدان میں ایک اہم سنگ میل کے حوالے سے منعقدہ
افتتاحی تقریب میں سامنے آئی۔ پاک سوزوکی کے ہیڈ آف کارپوریٹ افیئرز شفیق احمد شیخ نے خیر مقدمی خطاب کرتے ہوئے وفاقی وزیر صنعت و پیداوار رانا تنویر حسین، وفاقی سیکریٹری صنعت و پیداوار سیف انجم، ای ڈی بی کے
سی ای او خدا بخش، اور پاک سوزوکی کے سی ای او ہیروشی کاوامورا سمیت دیگر مہمانوں کا شکریہ ادا کیا۔یاد رہے کہ اس سے ایک دن قبل، انڈس موٹر کمپنی (آئی ایم سی) نے بھی پاکستان میں گاڑیاں تیار
کر کے ان کی برآمدات کا آغاز کیا تھا، جس کا اعلان انہوں نے اپنے پورٹ قاسم اتھارٹی میں واقع مینوفیکچرنگ پلانٹ میں منعقدہ ایک تقریب کے دوران کیا تھا۔