لاہور میں ٹریفک حادثات کا سلسلہ بدستور جاری، 24 گھنٹوں میں 241 حادثات رپورٹ
سٹی 42: لاہور میں ٹریفک حادثات کا سلسلہ بدستور جاری ہے، گزشتہ 24 گھنٹوں کے دوران شہر کے مختلف علاقوں میں 241 ٹریفک حادثات رپورٹ ہوئے۔
ریسکیو حکام کے مطابق ٹریفک حادثات میں مجموعی طور پر 335 افراد زخمی ہوئے، جن میں سے 95 شدید زخمیوں کو طبی امداد کے لیے مقامی اسپتالوں میں منتقل کیا گیا، جبکہ 194 معمولی زخمیوں کو موقع پر ہی طبی امداد فراہم کی گئی۔
ریسکیو حکام کا کہنا ہے کہ بیشتر حادثات ٹریفک قوانین کی خلاف ورزی کے باعث پیش آئے۔
