کلر سیداں مدرسے میں طالبعلم کی مبینہ تشدد سے ہلاکت، پولیس نے 2 افراد کو تحویل میں لے لیا

راولپنڈی: کلرسیداں میں مدرسے میں مبینہ تشدد سے طالب علم جاں بحق، 2 افراد تحویل میں

کلرسیداں میں مدرسے میں مبینہ تشدد سے 9 سالہ طالب علم جاں بحق ہوگیا، پولیس نے واقعے میں 2 افراد کو تحویل میں لے لیا۔

پولیس کے مطابق جاں بحق ہونے والے بچے کی شناخت فیضان کے نام سے ہوئی ہے، جو بھکر کا رہائشی تھا اور 4 ماہ قبل مدرسے میں داخل ہوا تھا۔

پولیس نے بتایا کہ بچے کی میت بھکر لے جائی گئی، جہاں غسل کے دوران اہلخانہ نے جسم پر تشدد کے نشانات دیکھے، جس کے بعد انہوں نے پولیس سے رابطہ کیا۔

پولیس کے مطابق واقعے کا مقدمہ درج کرکے کارروائی شروع کردی گئی ہے اور 2 مشتبہ ملزمان کو تحویل میں لے لیا گیا ہے۔ حکام کا کہنا ہے کہ واقعے میں ملوث تمام افراد کو گرفتار کیا جائے گا۔