اداکار عمران اشرف سے طلاق کے بعد کیا ہوا تھا؟ کرن اشفاق نے انکشاف کر دیا

معروف پاکستانی اداکار عمران اشرف سے طلاق لینے کے بعد، کرن اشفاق نے 4 دسمبر کو اتوار کے روز لاہور میں پاکستان پیپلز پارٹی کے فوکل پرسن اور سیاسی مشیر حمزہ علی چوہدری سے دوسری شادی کرلی اس حوالے سے سوشل میڈیا پر صارفین انہیں تنقید کا نشانہ بنا رہے تھے جس کے بعد انہوں نے خاموش نہ رہنے کا فیصلہ کیا اور ٹک ٹاکر کنول آفتاب کی پوڈ کاسٹ میں شرکت کر کے بڑے انکشافات کردیے ہیں۔

کرن اشفاق نے بتایا ہے کہ عمران اشرف سے ان کی طلاق میں طلاق کے بعد، ملائیشیا چلی گئی تھی جس پر لوگوں نے تنقید کی اور کہا کہ عدت نہیں کی تو میں یہاں بتاتی چلوں کہ میری طلاق اکتوبر میں نہیں بلکہ زبانی طور پر اگست کے آخر میں ہوچکی تھی، عمران اشرف نے خود مجھے طلاق دی تھی کیونکہ میں خلع نہیں لینا چاہتی تھی، پھر ہم دونوں نے اکتوبر میں سوشل میڈیا پر پوسٹ لگا کر ہماری طلاق کا اعلان کیا تھا۔

کرن اشفاق نے کہا کہ میری اور عمران اشرف کی ازدواجی زندگی بہت خراب تھی جس کی وجہ سے طلاق ہوئی۔ طلاق کے بعد مجھے دماغی دورے پڑنے لگے تھے۔ میرے والدین شدید پریشان تھے۔ پہلے سوچا تھا کہ بیٹا جب تک 10 برس کا نہیں ہو جاتا تب تک دوسری شادی نہٰں کروں گی لیکن ایک روز اپنے والد کو تہجد میں روتے دیکھا تو مجھ سے برداشت نہیں ہوا اور شادی کیلئے ہاں کردی۔