عمران خان سماعت کے دوران آبدیدہ ہو گئے

پاکستان تحریک انصاف (پی ٹی آئی) کے بانی عمران خان اڈیالہ جیل میں قید ہیں جہاں ان کے خلاف مقدمات کی سماعت بھی ہوتی ہے، پچھلے دنوں سماعت کے دوران عمران خان آبدیدہ ہوگئے، عمران خان آبدیدہ ہوئے تو  انہیں ٹشو کا ڈبہ فراہم کیاگیا۔

عمران خان کے آبدیدہ ہونے پر کچھ دیر کے لیے سماعت بھی موخر کردی گئی، اس سلسلے میں سینئر صحافی جاوید چوہدری نے سماعت کا مکمل احوال اپنے ولاگ میں بھی شیئرکیا ہے۔ جاوید چودھری کے بلاگ کے مطابق عمران خان   جیل کے اندر موجود ہیں اور جب سماعت شروع ہوئی تو  وہ رو پڑے عمران خان کے رونے پر  باقاعدہ پھر جیل کے عملے کو انہیں ٹشو پیپر پیش کرنے پڑے۔

جب وہ آنکھیں صاف کر رہے تھے تو وہاں اتنا سوگوار سا ماحول پیدا ہو گیا کہ جج صاحب بھی اپنی سیٹ سے اٹھ کرچلے گئے تھے، جاوید چودھری نے لکھا کہ نیب کے وکیل امجد پرویز  چلتے چلتے عمران خان  کے پاس آئے اور ان سے  کہا کہ  آپ اپنی فیملی کے ساتھ بات کر لیں ہم تھوڑی بات  کرنے کہ بعد تھوڑی دیر  بعد دوبارہ واپس آتے ہیں، پھر آدھے گھنٹے بعد دوبارہ عدالتی کارروائی شروع ہوئی ۔