Categories: انٹرٹینمنٹ

عاصم اظہر اور میرب علی کی راہیں جدا، منگنی ختم ہونے کا باضابطہ اعلان

لاہور (ایم وائے کے نیوز) پاکستانی میوزک انڈسٹری کے معروف گلوکار عاصم اظہر اور اداکارہ میرب علی نے اپنی منگنی ختم کرنے کا باقاعدہ اعلان کر دیا ہے، جس نے ان کے مداحوں کو حیرت میں ڈال دیا ہے۔ عاصم اظہر نے انسٹاگرام پر ایک دلگیر اسٹوری شیئر کرتے ہوئے بتایا کہ وہ اور میرب اب مزید ایک ساتھ نہیں ہیں۔ انہوں نے اپنے مداحوں اور چاہنے والوں سے مخاطب ہو کر لکھا کہ:

“ہم ایک ذاتی بات آپ سے شیئر کرنا چاہتے ہیں کیونکہ ہم سمجھتے ہیں کہ یہ آپ کا حق ہے۔”

عاصم نے مزید وضاحت کی کہ انہوں نے اور میرب نے باہمی رضامندی اور بھرپور سوچ و بچار کے بعد علیحدہ ہونے کا فیصلہ کیا ہے۔ ان کا کہنا تھا:

“اگرچہ ہم نے کئی خوبصورت لمحے اکٹھے گزارے اور ایک مشترکہ مستقبل کی امید رکھی، لیکن زندگی ہمیشہ ہمارے منصوبے کے مطابق نہیں چلتی۔ ہم ایک دوسرے اور اپنے خاندانوں کی عزت کرتے ہیں اور ہمیشہ کریں گے۔”

عاصم اظہر نے اپنے چاہنے والوں سے گزارش کی کہ وہ اس مشکل وقت میں ان کی پرائیویسی کا احترام کریں۔ یاد رہے کہ عاصم اور میرب کی منگنی 2022 میں ہوئی تھی اور دونوں کو ایک خوشگوار جوڑی کے طور پر دیکھا جا رہا تھا۔ قبل ازیں، عاصم اظہر کی اداکارہ ہانیہ عامر کے ساتھ دوستی اور پھر علیحدگی بھی خبروں کی زینت بن چکی ہے، جس کے بعد ان کی نجی زندگی سوشل میڈیا پر اکثر زیر بحث رہی ہے۔

web

Recent Posts

اسلام آباد: وزیراعظم شہباز شریف نے پیٹرولیم مصنوعات پر عوام کو ریلیف فراہم نہ کرنے والے پیٹرول پمپس کے خلاف کارروائی کی ہدایت کردی۔

  وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…

3 ہفتے ago

اسلام آباد: سابق سینیٹر مشتاق احمد کی اہلیہ حمیرا طیبہ نے فیملی کورٹ سے خلع حاصل کرلی، عدالت نے نکاح ختم کرنے کی ڈگری جاری کردی۔

  ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…

3 ہفتے ago

اسلام آباد: حکومت نے انسداد دہشت گردی کے لیے انٹیلی جنس بنیادوں پر آپریشنز کا دائرہ کار بڑھانے کا فیصلہ کرلیا۔

  وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…

3 ہفتے ago

  آئی جی سندھ جاوید عالم اوڈھو کے مطابق صوبے میں ڈکیتی مزاحمت کے دوران قتل کے واقعات میں 17…

3 ہفتے ago