کراچی ( ایم وائے کے نیوز ٹی وی): پاکستانی شوبز انڈسٹری کی معروف اداکارہ سارہ عمیر نے اپنی نجی زندگی سے متعلق ایک چونکا دینے والا انکشاف کیا ہے، جس نے ان کے مداحوں کو حیرت میں ڈال دیا ہے۔ سارہ عمیر کا کہنا ہے کہ انہوں نے دو سال قبل اپنے معدے کا 75 فیصد حصہ سرجری کے ذریعے نکلوالیا تھا، اور اس فیصلے نے ان کی زندگی کے کئی پہلوؤں کو مثبت طور پر متاثر کیا۔
اداکارہ سارہ عمیر نے حال ہی میں نجی چینل سماء ٹی وی کے مارننگ شو میں شرکت کی، جہاں انہوں نے اپنی زندگی، صحت اور جسمانی تبدیلیوں سے متعلق کھل کر گفتگو کی۔ انہوں نے اعتراف کیا کہ وہ ہمیشہ خود سے محبت کرتی رہی ہیں اور اپنی جسمانی صحت کا خیال رکھنا ان کی ترجیح رہی ہے۔ ان کا کہنا تھا کہ وہ کھانے کی شوقین ہیں، خاص طور پر میٹھے کھانے سے ان کی رغبت ہمیشہ رہی ہے، لیکن وقت گزرنے کے ساتھ جسمانی تبدیلیوں اور ترجیحات میں فرق آنا فطری امر ہے۔
اداکارہ نے کہا کہ بچوں کی پیدائش کے بعد ان کی صحت میں کچھ مسائل نے جنم لیا جس کے بعد انہوں نے ڈاکٹرز سے مشورہ کیا اور ایک بڑی تبدیلی کے لیے سرجری کروانے کا فیصلہ کیا۔ سارہ عمیر کے مطابق انہوں نے دو سال قبل گیسٹرک سلیو سرجری (Gastric Sleeve Surgery) کروائی، جس کے تحت ان کے معدے کا 75 فیصد حصہ نکال دیا گیا۔ اس سرجری کے بعد ان کا معدہ صرف 25 فیصد رہ گیا ہے۔
انہوں نے مزید بتایا کہ اس سرجری کے بعد ان کا وزن 30 کلو تک کم ہوا، اور ان کی مجموعی صحت میں بھی نمایاں بہتری آئی۔ خوش قسمتی سے اس عمل کے بعد انہیں کسی پیچیدہ مسئلے کا سامنا نہیں کرنا پڑا۔ سارہ عمیر نے زور دیتے ہوئے کہا کہ وہ اپنی صحت سے متعلق سچ بولنے میں کوئی جھجھک محسوس نہیں کرتیں اور ہمیشہ اپنے مداحوں کے ساتھ اپنی اصل زندگی کے تجربات کھل کر شیئر کرتی ہیں۔
سارہ عمیر کے مطابق یہ سرجری ان کے لیے شرمندگی یا پشیمانی کا باعث نہیں بلکہ ایک باوقار اور مثبت فیصلہ تھا۔ انہوں نے ان خواتین کے لیے بھی پیغام دیا جو بعد از زچگی جسمانی مسائل سے دوچار ہوتی ہیں کہ "خود سے محبت کریں، اپنی صحت کو سنجیدگی سے لیں، اور ضرورت ہو تو طبی حل اپنانے سے نہ گھبرائیں۔”
یاد رہے کہ گیسٹرک سلیو سرجری کو طبی اصطلاح میں gastrectomy بھی کہا جاتا ہے، جو عام طور پر موٹاپے، ہارمونل مسائل یا دیگر سنگین طبی پیچیدگیوں سے نمٹنے کے لیے کی جاتی ہے۔ اس طریقہ علاج کے ذریعے مریض کا معدہ چھوٹا کر دیا جاتا ہے تاکہ وہ کم مقدار میں کھا سکے اور جسمانی وزن میں کمی لائی جا سکے۔
اسلام آباد: پمز اسپتال کا میٹرنٹی کے نئے کیسز لینے سے انکار اسلام آباد کے پمز اسپتال کی انتظامیہ نے…
پاکستانی اداکارہ اشنا شاہ کے ہاں بیٹے کی پیدائش پاکستانی اداکارہ اشنا شاہ کے ہاں پہلے بچے کی پیدائش ہوئی…
رابعہ انعم کی والدین سے بچوں کی حفاظت کے لیے زیادہ محتاط رہنے کی اپیل پاکستان کی معروف اینکر اور…
پاکستانی اداکار نعمان اعجاز کا کینسر کی تشخیص اور صحتیابی سے متعلق اہم انکشاف پاکستان کے سینئر اداکار نعمان اعجاز…
پاکستانی اداکارہ مریم نفیس خواتین اور کم عمر بچیوں کے ساتھ زیادتی کے واقعات پر آبدیدہ پاکستانی اداکارہ مریم نفیس…
بھارت: ہریانوی گلوکار انکت بالیان جم کے باہر فائرنگ سے قتل بھارتی ریاست اتر پردیش میں ہریانوی گلوکار اور یوٹیوبر…