یوٹیوب سے ویڈیو دیکھ کر جعلی ڈاکٹر کی پتے کے آپریشن کی کوشش، 15 سالہ لڑکا جاں بحق

پٹنہ کے رہائشی کرشنا کمار کو مسلسل قے کی شکایت پر مقامی اسپتال لایا گیا تھا

یوٹیوب سے ویڈیو دیکھ کر جعلی ڈاکٹر کی پتے کے آپریشن کی کوشش، 15 سالہ لڑکا جاں بحق

پٹنہ: بھارت کے شہر پٹنہ میں ایک افسوسناک واقعہ پیش آیا جہاں ایک جعلی ڈاکٹر نے یوٹیوب پر ویڈیو دیکھ کر پتے کے آپریشن کی کوشش کی جس کے نتیجے میں 15 سالہ لڑکا جاں بحق ہو گیا۔ یہ واقعہ بھارت میں صحت کے نظام اور جعلی ڈاکٹروں کی موجودگی پر سنگین سوالات اٹھاتا ہے۔بھارتی میڈیا کے مطابق پٹنہ کے رہائشی کرشنا کمار کو مسلسل قے کی شکایت پر مقامی اسپتال لایا گیا تھا، جہاں ڈاکٹرز نے اس کے پتے میں پتھری کی تشخیص کی اور فوری طور پر آپریشن کا مشورہ دیا۔

تاہم، لڑکے کے والدین نے اعتراض کرتے ہوئے کہا کہ ان کے بیٹے کی طبیعت ڈرپ لگنے کے بعد بہتر ہو رہی ہے، اس لیے آپریشن کی ضرورت نہیں ہے۔اس دوران ڈاکٹر اجیت کمار نے والدین کو قائل کرنے کی کوشش کی اور کہا کہ لڑکے کا پِتّا کسی بھی وقت پھٹ سکتا ہے، جس سے اس کی زندگی کو شدید خطرہ لاحق ہو سکتا ہے۔ انہوں نے زور دیا کہ فوری آپریشن ضروری ہے۔

والدین کے مطابق ڈاکٹر نے اس بات پر زور دینے کے بعد یوٹیوب کی مدد سے آپریشن کا آغاز کیا، جس سے لڑکے کی حالت مزید بگڑ گئی۔جب لڑکے کی طبیعت خراب ہونے لگی تو ڈاکٹر نے ایمبولینس بلوا کر اُسے بڑے اسپتال لے جانے کی کوشش کی، لیکن راستے میں ہی لڑکے کی حالت مزید خراب ہو گئی۔ بدقسمتی سے ڈاکٹر اور اسپتال کا عملہ لڑکے کو نیم مردہ حالت میں اسپتال کی سیڑھیوں پر چھوڑ کر فرار ہو گئے۔

لڑکے کے والدین نے فوراً اسے ایمرجنسی وارڈ میں داخل کیا، لیکن ڈاکٹروں نے اسے مردہ قرار دے دیا۔ اس سانحے کے بعد بھارتی وزارت صحت نے فوری ایکشن لیتے ہوئے انکشاف کیا کہ جس ڈاکٹر نے یہ آپریشن کیا، وہ ایک جعلی ڈاکٹر تھا اور اس کی گرفتاری کے لیے کارروائی کی جا رہی ہے۔ مذکورہ اسپتال کو فوری طور پر سیل کر دیا گیا ہے تاکہ مزید ایسے واقعات سے بچا جا سکے

web

Recent Posts

اسلام آباد: وزیراعظم شہباز شریف نے پیٹرولیم مصنوعات پر عوام کو ریلیف فراہم نہ کرنے والے پیٹرول پمپس کے خلاف کارروائی کی ہدایت کردی۔

  وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…

3 ہفتے ago

اسلام آباد: سابق سینیٹر مشتاق احمد کی اہلیہ حمیرا طیبہ نے فیملی کورٹ سے خلع حاصل کرلی، عدالت نے نکاح ختم کرنے کی ڈگری جاری کردی۔

  ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…

3 ہفتے ago

اسلام آباد: حکومت نے انسداد دہشت گردی کے لیے انٹیلی جنس بنیادوں پر آپریشنز کا دائرہ کار بڑھانے کا فیصلہ کرلیا۔

  وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…

3 ہفتے ago

  آئی جی سندھ جاوید عالم اوڈھو کے مطابق صوبے میں ڈکیتی مزاحمت کے دوران قتل کے واقعات میں 17…

3 ہفتے ago