Categories: صحت

ورزش یا متحرک زندگی، 19 بیماریوں سے محفوظ رکھ سکتی ہے

عارضہ قلب، ذیابیطس، جوڑوں کے درد، فالج، اور کینسر کے امکانات کم ہو جاتے ہیں

ایک نئی اور دلچسپ تحقیق سے پتہ چلا ہے کہ جو لوگ ورزش کرتے ہیں یا متحرک رہتے ہیں، وہ عارضہ قلب، ذیابیطس، سانس کی مشکلات، جوڑوں کے درد، اور یہاں تک کہ کینسر جیسی بیماریوں سے محفوظ رہتے ہیں۔

طبی جریدے میں شائع ہونے والی اس تحقیق کے مطابق، امریکی ماہرین نے 2017 سے 2022 تک ہزاروں افراد کا جائزہ لیا اور دیکھا کہ ورزش کرنے یا متحرک رہنے کے کیا فوائد ہیں۔

ماہرین نے امریکہ اور دیگر ممالک کے 7 ہزار افراد سے آن لائن سوالات کیے کہ وہ ہفتے میں کتنے منٹ ورزش کرتے ہیں۔

انہوں نے یہ بھی پوچھا کہ اگر وہ باقاعدہ ورزش نہیں کرتے تو وہ ہفتے میں کتنے منٹ چلتے ہیں یا جسمانی طور پر کتنی دیر تک متحرک رہتے ہیں۔

ماہرین نے بعد میں 33 ہزار ایسے مریضوں کا ریکارڈ بھی دیکھا جو نہ تو ورزش کرتے تھے اور نہ ہی متحرک رہتے تھے۔

انہوں نے متحرک افراد اور ورزش کرنے والوں کی صحت کا موازنہ ان لوگوں سے کیا جو ورزش نہیں کرتے تھے۔

یہ پتہ چلا کہ جو لوگ ہفتے میں 150 منٹ تک ورزش کرتے ہیں، وہ سب سے زیادہ فائدہ اٹھاتے ہیں اور بڑی بیماریوں سے لمبے عرصے تک محفوظ رہ سکتے ہیں۔

ماہرین کے مطابق، اگر لوگ ہفتے میں 150 منٹ (یعنی روزانہ 20 منٹ) ورزش کریں تو ان میں عارضہ قلب، ذیابیطس، جوڑوں کے درد، فالج، اور کینسر کے امکانات کم ہو جاتے ہیں۔

ریسرچ سے یہ بھی ثابت ہوا کہ جو لوگ ورزش کرنے کے بجائے پیدل چلتے ہیں یا دیگر جسمانی سرگرمیوں میں مشغول رہتے ہیں، وہ بھی کئی بیماریوں سے محفوظ رہتے ہیں، مگر ان کی حفاظت کی سطح ورزش کرنے والوں سے کم ہوتی ہے۔

آخر میں ماہرین نے یہ کہا کہ ورزش کرنا سب سے بہترین طریقہ ہے جب کہ جسمانی طور پر متحرک رہنا دوسرا موزوں طریقہ ہے۔ ورزش نہ کرنا اور جسمانی طور پر غیر متحرک رہنا بیماریوں کا بڑا سبب ہے، اور حیرت کی بات یہ ہے کہ اکثر صحت کے ماہرین لوگوں کو متحرک رہنے کی نصیحت نہیں کرتے۔

web

Recent Posts

اسلام آباد: وزیراعظم شہباز شریف نے پیٹرولیم مصنوعات پر عوام کو ریلیف فراہم نہ کرنے والے پیٹرول پمپس کے خلاف کارروائی کی ہدایت کردی۔

  وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…

2 ہفتے ago

اسلام آباد: سابق سینیٹر مشتاق احمد کی اہلیہ حمیرا طیبہ نے فیملی کورٹ سے خلع حاصل کرلی، عدالت نے نکاح ختم کرنے کی ڈگری جاری کردی۔

  ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…

2 ہفتے ago

اسلام آباد: حکومت نے انسداد دہشت گردی کے لیے انٹیلی جنس بنیادوں پر آپریشنز کا دائرہ کار بڑھانے کا فیصلہ کرلیا۔

  وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…

2 ہفتے ago

  آئی جی سندھ جاوید عالم اوڈھو کے مطابق صوبے میں ڈکیتی مزاحمت کے دوران قتل کے واقعات میں 17…

2 ہفتے ago