پی ٹی آئی بلے کا نشان واپس لینے کے لیے سپریم کورٹ پہنچ گئی، پشاور ہائی کورٹ کا فیصلہ سپریم کورٹ میں چیلنج کر دیا۔ انٹراپارٹی الیکشن اور انتخابی نشان کے معاملے پر پی ٹی آئی نےپشاور ہائیکورٹ کا فیصلہ سپریم کورٹ میں چیلنج کردیا ہے بیرسٹر گوہر علی نے سپریم کورٹ میں درخواست دائر کر دی ہے۔
نجی ٹی وی چینل کے مطابق درخواست میں سپریم کورٹ سے پشاور ہائیکورٹ کا فیصلہ کالعدم قرار دینے کی استدعا کی ہے، بتایا جا رہا ہے کہ پی ٹی آئی کی جانب سے درخواست کو کل سماعت کیلئے مقرر کرنے کی بھی استدعا کی گئی ہے۔
تفصیلات کے مطابق درخواست میں موقف اپنایا گیا ہے کہ پشاور ہائیکورٹ کے جج نے قانون کی غلط تشریح کی ہے جس کے باعث تحریک انصاف کے ساتھ ناانصافی ہوئی ہے ، چھبیس دسمبر 2023کو عارضی ریلیف دیا گیا تھا، ہم نے پشاور ہائیکورٹ کو بتایا تھا کہ بلے کا نشان نہ ملنے سے ناقابل تلافی نقصان ہوگا۔
واضح رہے پشاور ہائی کورٹ نے 26 دسمبر کو پی ٹی آئی کی درخوست پر الیکشن کمیشن کا فیصلہ معطل کیا تھا، الیکشن کمیشن نے انکو سننے بغیر عدالت کی جانب سے حکم امتناع جاری کرنے پر اعتراض کیا تھا، اسکے بعد عدالت نے حکم امتناع واپس لینے کے بعد الیکشن کمیشن کا 22 دسمبر کا فیصلہ بحال کر دیا تھا۔ جسکے مطابق پی ٹی آئی انٹرا پارٹی انتخابات کو کالعدم قرار دیتے ہوئے انتخابی نشان واپس لے لیا گیا تھا۔
کاغذات نامزدگی مسترد ہونے پر صنم جاوید سمیت دوسرے کارکنوں نے بھی فیصلہ ہائی کورٹ میں چیلنج کر دیا۔تفصیلات کے…
پاکستان میں بے روزگاری عروج پر ہے۔ ایسے میں فری لانسنگ کا رجحان تیزی اختیار کر گیا، خاص کر کورونا…
پاکستان تحریک انصاف (پی ٹی آئی) کے بانی عمران خان اڈیالہ جیل میں قید ہیں جہاں ان کے خلاف مقدمات…
زراعت کا ملکی معیشت میں اہم کردار ہے۔ زراعت کا تعلق کسان سے ہے۔ اگر کسان خوشحال ہو گا تو…
سپریم کورٹ کے جج جسٹس مظاہر علی نقوی نے استعفیٰ دے دیا ہے۔ میڈیا رپورٹس کے مطابق سپریم کورٹ کے…
بھارتی گلوکارہ شریاگھوشال پاکستانی سنگر علی ظفر کی فین ہیں، انہوں نے خود اعتراف کر لیا کہ وہ علی ظفر…