راولپنڈی (ویب ڈیسک) بیرونی طور پر اسپانسر شدہ دہشت گردوں کے ایک گروپ نے بلوچستان کے علاقے تمپ میں قائم سیکیورٹی فورسز کی ایک چیک پوسٹ پر فائرنگ کی ہے جس کی وجہ سے دو جوان شہید ہوگئے ہیں۔
آئی ایس پی آر کے مطابق سیکیورٹی فورسزنے جوابی کارروائی کی، جس میں دہشت گردوں کو بھاری نقصان اٹھانا پڑا۔
دو فوجیوں نے فائرنگ کے تبادلے میں بہادری سے لڑتے ہوئے اپنی جانوں کا نذرانہ پیش کیا۔ شہید ہونے والوں میں سپاہی نصیب اللہ خاران کا رہائشی اور سپاہی انشاء اللہ لکی مروت کا رہائشی تھا۔
آئی ایس پی آر کے ترجمان نے کہا، “یہ یاد دلایا جاتا ہے کہ پاکستان کی سیکیورٹی فورسز بزدل دہشت گردوں کی کارروائیوں کو شکست دینے کے لیے پرعزم ہیں، جس کا مقصد بلوچستان کے امن، استحکام اور ترقی کو متاثر کرنا ہے۔”
اس سے قبل پیر کے روز، پاک ایران سرحد کے ساتھ پنجگور میں سیکیورٹی فورسز کی گشتی پارٹی پر حملے کے بعد پاک فوج کے ایک سپاہی نے جام شہادت نوش کیا تھا۔
آئی ایس پی آر کے مطابق، پاکستان ایران سرحد کے ساتھ پنجگور کے علاقے میں دہشت گردوں کے ایک گروپ نے سیکیورٹی فورسز کی گشتی پارٹی کو بزدلانہ حملے میں نشانہ بنایا۔
فوج کے میڈیا ونگ کا کہنا تھا کہ فائرنگ کے شدید تبادلے کے دوران ڈی آئی خان کے رہائشی سپاہی جلیل خان نے بہادری سے لڑتے ہوئے جام شہادت نوش کیا۔
کاغذات نامزدگی مسترد ہونے پر صنم جاوید سمیت دوسرے کارکنوں نے بھی فیصلہ ہائی کورٹ میں چیلنج کر دیا۔تفصیلات کے…
پاکستان میں بے روزگاری عروج پر ہے۔ ایسے میں فری لانسنگ کا رجحان تیزی اختیار کر گیا، خاص کر کورونا…
پاکستان تحریک انصاف (پی ٹی آئی) کے بانی عمران خان اڈیالہ جیل میں قید ہیں جہاں ان کے خلاف مقدمات…
زراعت کا ملکی معیشت میں اہم کردار ہے۔ زراعت کا تعلق کسان سے ہے۔ اگر کسان خوشحال ہو گا تو…
سپریم کورٹ کے جج جسٹس مظاہر علی نقوی نے استعفیٰ دے دیا ہے۔ میڈیا رپورٹس کے مطابق سپریم کورٹ کے…
بھارتی گلوکارہ شریاگھوشال پاکستانی سنگر علی ظفر کی فین ہیں، انہوں نے خود اعتراف کر لیا کہ وہ علی ظفر…