راولپنڈی گیس پائپ لائن میں دھماکہ

پاکستان کے شہر راولپنڈی میں گیس پائپ لائن میں دھماکہ ہو گیا ۔ دھماکے  کے بعد آگ بھڑک اٹھی جس نے پاس سے گزرنے والی آئل ریفائنری کی سپلائی لائن اور  عمارتوں اور گھر کو اپنی لپیٹ میں لے لیا ذرائع کے مطابق یہ حادثہ راولپنڈی کے علاقے دھمیال میں گیس پائپ لائن  میں جوڑیاں کے مقام  پیش آیا ہے۔ دھماکہ ہونے کے باعث آگ بھڑک اٹھی ،موقع پر موجود لوگوں کا کہنا ہے  کہ سپلائی لائن میں دھماکے کی وجہ سے  لگنے والی آگ نے متعدد گھروں کو بھی لپیٹ میں لے لیا تھا۔  جبکہ ریسکیو ذرائع کے مطابق آگ نے گیس لائن، آئل ریفائنری کی سپلائی لائن اور ایک گھر کو لپیٹ میں لے لیا تھا۔

ریسکیو حکام نے بتایا ہے کہ  جاٹیمیں موقع پر پہنچ گئی ہیں، تین فائر ٹینڈرز سمیت چھہ  ایمرجنسی گاڑیاں آپریشن میں مصروف ہیں،انہوں نے مزید  بتایا ہے کہ فائر ٹینڈرز بھی حادثہ  کی جگہ  پر روانہ کر دیے گئے ہیں۔ریسکیو حکام کے مطابق  اس حادثہ کی وجہ سے آگ لگنے کے واقعے میں نزدیکی  مکانات  اور عمارتوں کو خالی کروا لیا گیا ہے اور آگ بجھانے کی کوشش مکمل طور پر جاری ہے۔