سپریم کورٹ کے پریکٹس اینڈ پروسیجر کیس میں تفصیلی فیصلے پر آئی پی پی کا رد عمل

سپریم کورٹ کے پریکٹس اینڈ پروسیجر کیس میں تفصیلی فیصلے پر آئی پی پی کا رد عمل سامنے آگیا ہے۔ استحکام پاکستان پارٹی کی مرکزی سیکرٹری اطلاعات ڈاکٹر فردوس عاشق اعوان نے کہا ہے کہ سپریم کورٹ نے پارلیمان کی بالا دستی کو حقیقی معنوں میں امر کر دیا ہے۔  ماسٹر آف روسٹر کی اصطلاح کو دفن کر کے سپریم کورٹ نے جمہوریت کو فروغ دیا ہے۔

رہنما آئی پی پی نے کہا ہے کہ سپریم کورٹ کے فیصلے سے پارلیمان کا وقار اور تشخص بحال ہوا ہے۔ عدالت عظمیٰ کے اس فیصلے سے بزنس آف دی ہاوس کو تقویت ملی ہے۔ پارلیمنٹ کے آئین سازی کے حق کو تسلیم کر کے کھویا ہوا مقام واپس دلایا گیا ہے۔ یصلے کے دور رس نتائج ہوں گے، ملک میں پارلمنٹ کی فیصلہ سازی کو نظر انداز نہ کیا جا سکتا ہے۔ استحکام پاکستان پارٹی سپریم کورٹ کے فیصلے کا خیر مقدم کرتی ہے۔

ڈاکٹر فردوس عاشق اعوان نے کہا ہے کہ آئی پی پی ایک جمہوریت پسند پارٹی ہے جو پارلیمنٹ کے تقدس کا احترام کرتی ہے۔  اس فیصلے کے آئندہ ہونے والے عام انتخابات میں براہ راست اور مثبت اثرات مرتب ہوں گے۔  جمہوری طرز عمل اپنا کر ہی ہم اپنی کھوئی ہوئے ساکھ اور ترقی کی منزل پا سکتے ہیں۔