عمران خان کے ساتھ پس پردہ مذاکرات جاری ہیں: قیصر شیخ

وفاقی وزیر قیصر شیخ نے کہا ہے کہ عمران خان کے ساتھ پس پردہ مذاکرات جاری ہیں۔ ملک کے مفاد میں سب کو پیچھے ہٹنا ہوگا اور بات چیت کی طرف آنا ہوگا۔ قیصر شیخ نے کہا کہ پہلے بھی پس پردہ بات چیت ہوتی رہی ہے اس بار بھی ایسا ہی ہورہا ہے۔ ۔ عمران خان کا سیاست میں بڑا کردار ہے اور لوگوں نے انہیں ووٹ دیا ہے لہٰذا ان سے بات چیت ضروری ہے۔
قیصر شیخ نے فیصل آباد ڈویژن کی مثال دیتے ہوئے کہا کہ وہاں 18 میں سے 15 سیٹیں عمران خان نے جیتی تھیں اور وہاں فارم 45 اور 47 بھی ان کے تھے۔ انہوں نے کہا کہ مسائل کا حل ڈائیلاگ سے ہی ممکن ہے اور اس کے لیے کسی شرط کی ضرورت نہیں۔ جیل میں رہ کر کچھ حاصل نہیں ہوا، اس لیے عمران خان کو بھی مذاکرات کرنے ہوں گے۔