لکی مروت میں گیس کے نئے ذخائر دریافت

لکی مروت میں گیس نئے ذخائر دریافت

اسلام آباد:خیبر پختونخوا کے ضلع لکی مروت میں او جی ڈی سی ایل نے بیٹانی-2 کنویں میں گیس اور کنڈینسیٹ کے ذخائر دریافت کیے ہیں۔
او جی ڈی سی ایل کے ترجمان نے بتایا کہ ولی بلاک میں ساماناسک فارمیشن سے یومیہ 2.14 ملین اسٹینڈرڈ کیوبک فٹ گیس اور 74 بیرل کنڈینسیٹ کی پیداوار ہو رہی ہے۔ یہ فارمیشن پہلی ہائیڈروکاربن دریافت کے حوالے سے بہت اہمیت رکھتی ہے۔
ترجمان نے مزید کہا کہ بیٹانی-2 کنویں کی دریافت کمپنی کے لیے اہم کامیابی ہے، اور اس کامیابی کے بعد علاقے میں مزید کھدائی کے منصوبے تیار کیے جا رہے ہیں۔